அதிக கட்டணம் வசூலிக்கும் இ- சேவை மையங்கள் குறித்து புகாா் தெரிவிக்கலாம்: ஆட்சியா்

அரசு நிா்ணயத்த கட்டணத்தைவிட கூடுதல் கட்டணம் வசூலிக்கும் இ-சேவை மையங்கள் குறித்து பொதுமக்கள் புகாா் அளிக்கலாம் என்று கிருஷ்ணகிரி மாவட்ட ஆட்சியா் ச.தினேஷ்குமாா் தெரிவித்தாா்.

இதுகுறித்து அவா் வியாழக்கிழமை வெளியிட்ட செய்திக் குறிப்பு:

கிருஷ்ணகிரி மாவட்டத்தில் செயல்படும் பொது இ-சேவை மையங்களில் வருவாய் துறை மூலம் வழங்கப்படும் சான்றிதழ்களை பெற விண்ணப்பங்களை பதிவேற்றம் செய்வதற்கு மனு ஒன்றுக்கு ரூ. 60-ம், ஓய்வூதியம் திட்டங்கள் தொடா்பான விண்ணப்பங்களை பதிவேற்றம் செய்ய மனு ஒன்றுக்கு ரூ. 10-ம், இணையவழி பட்டா மாறுதல் விண்ணப்பங்களை பதிவேற்றம் செய்ய மனு ஒன்றுக்கு சேவை கட்டணமாக ரூ. 60-ம் தமிழக அரசால் கட்டணம் நிா்ணயம் செய்யப்பட்டுள்ளது.

எனவே, பொதுமக்கள், இடைத்தரகா்களை தவிா்த்து அருகில் உள்ள வட்டாட்சியா், நகராட்சி அலுவலக இ-சேவை மையங்கள், கூட்டுறவு சங்க இ-சேவை மையங்கள், மகளிா் திட்டம் மூலம் கிராம ஊராட்சிகளில் செயல்படும் இ-சேவை மையங்கள், அரசால் அங்கீகரிக்கப்பட்ட தனியாா் இ-சேவை மையங்களை அணுகிப் பயன்பெறலாம். பொது இ-சேவை மையங்களில் அரசால் நிா்ணயக்கப்பட்ட சேவைக் கட்டணத்தை விட அதிக கட்டணம் வசூலிப்பது கண்டறியப்பட்டாலோ அல்லது புகாா்கள் வந்தாலோ சம்பந்தப்பட்ட இ-சேவை மையத்தின் அங்கீகாரம் முற்றிலும் ரத்து செய்யப்படும். கூடுதல் கட்டணம் வசூலிக்கும் இ-சேவை மையங்கள் குறித்து 1077 மற்றும் 1100 என்ற கட்டணமில்லா தொலைபேசி எண்ணுக்கு புகாா் தெரிவிக்கலாம் என அதில் தெரிவித்துள்ளாா்.