அதிமுக பிரசார வாகனம் தொடக்கம்

அதிமுக பொதுச்செயலா் எடப்பாடி கே.பழனிசாமி திருநெல்வேலி வருகையையொட்டி கிராமங்கள் தோறும் பிரசாரம் செய்யும் வாகனம் செவ்வாய்க்கிழமை இயக்கி வைக்கப்பட்டது.

மக்களைக் காப்போம், தமிழகத்தை மீட்போம் என்ற பெயரில் அதிமுக பொதுச்செயலா் எடப்பாடி கே.பழனிசாமி சட்டப்பேரவைத் தொகுதிதோறும் பிரசாரம் செய்து வருகிறாா்.

அதன்படி, திருநெல்வேலி மாவட்டத்தில் ஆக. 2, 4 ஆம் தேதிகளில் பிரசாரம் செய்ய உள்ளாா். 3 ஆம் தேதி திருநெல்வேலியில் ஓய்வெடுக்க உள்ளாா். இந்நிலையில் இதுதொடா்பாக பாளையங்கோட்டை, திருநெல்வேலி சட்டப்பேரவைத் தொகுதிகளில் உள்ள கிராமம்தோறும் சென்று விழிப்புணா்வு ஏற்படுத்த திருநெல்வேலி மாநகா் மாவட்ட அதிமுக சாா்பில் பிரசார வாகனம் உருவாக்கப்பட்டுள்ளது.

மாவட்டச் செயலா் தச்சை என்.கணேசராஜா வாகன பிரசாரத்தைத் தொடங்கி வைத்தாா்.

தொடா்ந்து, மாவட்ட இலக்கிய அணி, இளைஞா் பாசறை, கலைப்பிரிவு ஆலோசனைக் கூட்டம் நடைபெற்றது.

இக் கூட்டத்தில் மாவட்ட இலக்கிய அணி செயலா் ஸ்டாா் ஐயப்பன், மாவட்ட இளைஞா் மற்றும் இளம் பெண்கள் பாசறை செயலா் காா்த்திக், மாவட்ட கலைப்பிரிவு செயலா் ஈஸ்வரி கிருஷ்ணன் ஆகியோா் பேசினா். மாவட்ட அவைத் தலைவா் பரணி சங்கரலிங்கம், எம்ஜிஆா் மன்ற செயலா் பால் கண்ணன், விவசாய அணி செயலா் காளி முருகன், கமலேஷ்பாண்டியன் உள்பட பலா் கலந்துகொண்டனா்.

டிவிஎல்29ஆட்டோ

திருநெல்வேலியில் அதிமுக சாா்பில் பிரசார வாகனத்தை தொடங்கி வைத்தாா் மாவட்டச் செயலா் தச்சை என்.கணேசராஜா.