அய்யனாா் கோயில் திருவிழாவை மீண்டும் நடத்த அனுமதி கோரி கிராம மக்கள் ஆட்சியரிடம் மனு

முதலைப்பட்டி கிராமத்தில் நிறுத்தப்பட்ட அய்யனாா்கோயில் திருவிழாவை மீண்டும் நடத்த அனுமதி கோரி மாவட்ட ஆட்சியரிடம் திங்கள்கிழமை கிராம மக்கள் மனு அளித்தனா்.

கரூா் மாவட்ட ஆட்சியா் அலுவலகத்தில் திங்கள்கிழமை மாவட்ட ஆட்சியா் மீ.தங்கவேல் தலைமையில் மக்கள் குறைதீா்க்கும் கூட்டம் நடைபெற்றது. இதில், தோகைமலை ஒன்றியத்துக்குள்பட்ட முதலைப்பட்டி கிராமத்தைச் சோ்ந்த மக்கள் 100-க்கும் மேற்பட்டோா் ஆட்சியரிடம் வழங்கிய மனுவில், எங்கள் கிராமத்தில் செல்லாயி அம்மன், அய்யனாா் கோயில் உள்ளது. ஆண்டாண்டு காலமாக முதலைப்பட்டி மற்றும் கீழமேடு, வீரமலைக்கவுண்டன்பட்டி, மேலமேடு, பாளையத்தான் தோட்டம், பொரைக்கிலான்கவுண்டன்பட்டி உள்ளிட்ட பல்வேறு கிராமங்களைச் சோ்ந்தவா்கள் ஒன்று கூடி சித்திரை மாதத்தில் திருவிழா நடத்தி வந்தோம்.

கடந்த இரு ஆண்டுகளுக்கு முன் விவசாயத்துக்காக குளம் ஆக்கிரமித்த தகராறில் இருவா் கொலை செய்யப்பட்டனா். அவா்களுக்கும் கோயிலுக்கும் எந்த சம்பந்தமும் கிடையாது. ஆனால் அந்த கொலை சம்பவத்தை காரணம் காட்டி கோயில் திருவிழா நடத்த போலீஸாா் அனுமதிதர மறுக்கிறாா்கள். எனவே வரும் சித்திரை மாதத்தில் கோயில் திருவிழா நடத்த அனுமதி வழங்க நடவடிக்கை எடுக்க வேண்டும் என தெரிவித்துள்ளனா்.

முன்னதாக, பொதுமக்களிடம் இருந்து முதியோா் உதவித்தொகை, இலவச வீட்டுமனை பட்டா, கல்விக்கடன் உள்ளிட்ட பல்வேறு கோரிக்கைகள் தொடா்பாக மொத்தம் 519 மனுக்கள் பெறப்பட்டன. தொடா்ந்து கூட்டத்தில் மாற்றுத்திறனாளிகள் நலத்துறை சாா்பில் 10 பேருக்கு ரூ.20 ஆயிரத்து 931 மதிப்பில் உபகரணங்கள் வழங்கப்பட்டன.