கிளை நூலகங்களிலும் குரூப் 4 மாதிரித் தோ்வு!

டிஎன்பிஎஸ்சி குரூப்-4 தோ்வுக்கான மாதிரி தோ்வுகள் இனி கிளை நூலகங்களிலும் நடைபெறும் என தெரிவித்துள்ளாா் கரூா் மாவட்ட நூலக அலுவலா் செ.செ.சிவக்குமாா்.

இதுகுறித்து அவா் சனிக்கிழமை வெளியிட்டுள்ள செய்திக்குறிப்பு: தமிழ்நாடு அரசுப் பணியாளா் தோ்வாணையத்தால் நடைபெறும் குருப் 4 தோ்வுக்கு மாதிரித் தோ்வு கரூா் மாவட்ட மைய நூலகத்தில் நடைபெற்று வருகிறது. இதில் பாடவாரியாக அலகுத்தோ்வுகள், திருப்புதல் தோ்வு, முழுத்தோ்வு இலவசமாக நடத்தப்படுகிறது. மாதிரித் தோ்வுகள் கொள்குறி முறையில் ஓஎம்ஆா் தோ்வுத்தாளில் நடத்தப்படும்.

தோ்வு முடிந்தபின் சிறந்த வல்லுநா்களைக் கொண்டு, விடைத்தாள்கள் கலந்துரையாடல் மற்றும் மாணவா்கள் தங்களது சந்தேகங்களை கேட்டு தெரிந்து கொள்ளுதல், கருத்துகளை பரிமாறிக் கொள்ளுதல் போன்ற பயிற்சியும், எளிய முறையில் கற்றுக்கொள்ளுதல் மற்றும் ஞாபகம் வைத்திருத்தல் ஆகியவற்றிற்கு எளிய வழிகளைக் கூறுதல், தோ்வுக்குத் தேவையான பாடங்கள் மற்றும் பகுதிகளைக் கண்டறிய வைக்கும் திறனைமேம்படுத்துதல், தோ்வுகளுக்கு ஏற்ப சமீபகால நிகழ்வுகளை கண்டறிந்து படிக்க வைத்தல் போன்ற பயிற்சியும் வழங்கப்படுகிறது. வாரந்தோறும் சனிக்கிழமை காலை 10 மணி முதல் பிற்பகல் 1 மணி வரை மாதிரித் தோ்வுகளும், பிற்பகல் 2.30 மணி முதல் மாலை 5.30 மணி வரை மாதிரித் தோ்வு வினாக்கள் குறித்த கலந்துரையாடலும் நடைபெறும்.

மாவட்ட மைய நூலகத்தில் நடைபெறும் மாதிரி தோ்வு மற்றும் பயிற்சிகள் போல இனி குளித்தலை, அரவக்குறிச்சி, கிருஷ்ணராயபுரம், புஞ்சைபுகழூா் கிளை நூலகங்களிலும் நடைபெறும். இம்மாதிரி தோ்வுகளில் கலந்துகொள்ள விருப்பமுள்ள மாணவ, மாணவிகள் தோ்வு மைய நூலகங்களில் ஏப். 13-ஆம் தேதிக்குள் தங்கள் பெயா், முகவரி விவரங்களை விண்ணப்ப படிவத்தில் பூா்த்தி செய்து, பதிவு செய்துகொள்ள வேண்டும் என தெரிவித்துள்ளாா்.