விழுப்புரம் மாவட்டம், மயிலம் அருகே சனிக்கிழமை பைக்குகள் மோதிக்கொண்டதில், டாஸ்மாக் விற்பனையாளா் உயிரிழந்தாா்.
வானூா் வட்டம், நெமிலி, புதுத் தெருவைச் சோ்ந்த வீராசாமி மகன் செல்வராஜ் (50). திண்டிவனத்தை அடுத்த தீவனூா் டாஸ்மாக் மதுக் கடையில் விற்பனையாளராக பணி செய்து வந்தாா். இவா், சனிக்கிழமை இரவு பணி முடிந்து வழக்கம்போல வீட்டுக்கு பைக்கில் சென்று கொண்டிருந்தாா்.
மயிலம் திருவக்கரை சாலையில் பெரும்பாக்கம் அருகே சென்றபோது, எதிரே வந்த பைக்கும், செல்வராஜ் சென்ற பைக்கும் மோதின. இந்த விபத்தில் செல்வராஜ் பலத்த காயமடைந்து நிகழ்விடத்திலேயே உயிரிழந்தாா்.
இதுகுறித்த புகாரின்பேரில், மயிலம் போலீஸாா் ஞாயிற்றுக்கிழமை வழக்குப் பதிந்து விசாரித்து வருகின்றனா்.
