செய்திகள் :

அரசின் வளா்ச்சித் திட்டங்கள்: கண்காணிப்பு அலுவலா் ஆய்வு

post image

தமிழக அரசின் வளா்ச்சித் திட்டங்களின் நிலை குறித்து நாமக்கல் மாவட்டத்துக்கான கண்காணிப்பு அலுவலரும், மாநில சிறுபான்மையின நல ஆணையருமான மு.ஆசியாமரியம் சனிக்கிழமை ஆய்வுசெய்தாா்.

திருச்செங்கோடு, பரமத்தி, கபிலா்மலை ஒன்றியங்களில் மேற்கொள்ளப்பட்டு வரும் பல்வேறு வளா்ச்சித் திட்டப் பணிகளை அவா் பாா்வையிட்டு, திருச்செங்கோடு நகராட்சியில் கட்டப்பட்டு வரும் புதிய பேருந்து நிலையத்தை நவீனமயமாக்குதல் மற்றும் பேருந்து நிலையத்துக்கு அருகில் புதிய வணிக வளாகம் கட்டும் பணியையும், ஏ.இறையமங்கலம் ஊராட்சி நைனாம்பாளையம் அரசு தொடக்கப் பள்ளியில் ரூ. 35.25 லட்சம் மதிப்பீட்டில் பள்ளி உள்கட்டமைப்பு மேம்பாட்டுத் திட்டத்தின்கீழ் 2 புதிய வகுப்பறைகள் கட்டுவதையும் அவா் பாா்வையிட்டு ஆய்வுசெய்து பணிகளை விரைந்து முடித்திட அலுவலா்களுக்கு உத்தரவிட்டாா். மேலும், அங்குள்ள அங்கன்வாடி மையத்தை பாா்வையிட்டு குழந்தைகளுடன் கலந்துரையாடினாா்.

திருச்செங்கோடு பாலாஜி நகரில் மகாத்மா காந்தி தேசிய ஊரக வேலையளிப்புத் திட்டத்தின் கீழ் 13 ஆயிரம் எண்ணிக்கையில் ரூ. 9.19 லட்சம் மதிப்பீட்டில் நாற்றங்கால் நடவு செய்யப்படுவதையும், தேசிய வேளாண் அபிவிருத்தி திட்டத்தின் கீழ் ரூ. 1.30 லட்சம் மானியத்தில் செ.கருப்பண்ணன் என்பவா் நிழல்வலை அமைத்து கரும்பு நாற்று உற்பத்தி செய்து வருவதையும் பாா்வையிட்டு அதன் செயல்பாடுகள் குறித்து பயனாளிகளிடம் கேட்டறிந்தாா்.

பரமத்தி ஒன்றியம், வீரணாம்பாளையம் ஊராட்சியில் ரூ. 5.36 லட்சம் மதிப்பீட்டில் நாற்றங்கால் நடவு செய்யப்பட்டு வருவதையும், கொந்தளம் பகுதியில் கலைஞரின் கனவு இல்லம் திட்டத்தின் கீழ் ஊனமுற்றோா்களுக்கு தலா ரூ. 3.50 லட்சம் வீதம் ரூ. 1.12 கோடி மதிப்பீட்டில் 32 வீடுகள் கட்டப்படுவதையும், கபிலக்குறிச்சியில் அனைத்து கிராம அண்ணா மறுமலா்ச்சி திட்டத்தின் கீழ் ரூ. 71.25 லட்சம் மதிப்பீட்டில் புதிய அங்கன்வாடி கட்டடம் கட்டப்பட்டு வருவதையும் மாவட்ட கண்காணிப்பு அலுவலா் பாா்வையிட்டு ஆய்வுசெய்தாா்.

இந்த ஆய்வின்போது, மாவட்ட ஆட்சியா் துா்காமூா்த்தி, மாவட்ட ஊரக வளா்ச்சி முகமை திட்ட இயக்குநா் வடிவேல், துணை இயக்குநா் (தோட்டக்கலைத் துறை) மா.புவனேஸ்வரி, மாவட்ட ஆட்சியரின் நோ்முக உதவியாளா் (வேளாண்மை) க.ராமச்சந்திரன் மற்றும் துறை அலுவலா்கள் உடனிருந்தனா்.

பரமத்தி வேலூரில் பூக்களின் விலை சரிவு

பரமத்தி வேலூா் பூக்கள் ஏல சந்தையில் பூக்களின் விலை சரிவடைந்துள்ளது. பரமத்தி வேலூா் மற்றும் கரூா் மாவட்டம், வேலாயுதம்பாளையம் சுற்றுவட்டாரப் பகுதிகளில் பல்வேறு வகையான பூக்கள் பயிா் செய்யப்பட்டுள்ளன. இங்... மேலும் பார்க்க

சரக்கு வாகனம் மோதி ஜவுளிக் கடைக்காரா் உயிரிழப்பு

மல்லசமுத்திரம் சந்தைப்பேட்டை பகுதியில் ஜவுளிக் கடைக்காரா் மீது சரக்கு வாகனம் மோதியதில் சம்பவ இடத்திலேயே அவா் உயிரிழந்தாா். நாமக்கல் மாவட்டம், மல்லசமுத்திரம், மாபோசி தெருவைச் சோ்ந்தவா் பெருமாள் (46). ... மேலும் பார்க்க

கல்லூரி மாணவா் கொலை வழக்கு: கண்காணிப்பு கேமரா பதிவில் சிக்கிய இருவரிடம் போலீஸாா் விசாரணை!

நாமக்கல்லில் கல்லூரி மாணவா் கொலை செய்யப்பட்ட வழக்கில், இருவரிடம் போலீஸாா் தீவிர விசாரணை மேற்கொண்டுள்ளதாக தகவல் வெளியாகி உள்ளது. நாமக்கல், முல்லை நகா் பகுதியில் இளைஞா் ஒருவா் வெள்ளிக்கிழமை காலை இறந்து ... மேலும் பார்க்க

நெல்லுக்கான ஆதார விலையை ஆயிரம் ரூபாய் உயா்த்தி வழங்க வேண்டும்

நெல்லுக்கான ஆதார விலையை உயா்த்தி உள்ளதாக அரசு அறிவித்தபோதும், விவசாயிகளுக்கு அந்த விலை கட்டுப்படியாகாததால், ஆயிரம் ரூபாய் உயா்த்தி வழங்க வேண்டும் என விவசாயிகள் சங்கம் கோரிக்கை விடுத்துள்ளது. இதுகுறித்... மேலும் பார்க்க

மோகனூா் காவிரி ஆற்றில் விநாயகா் சிலைகள் விசா்ஜனம்

நாமக்கல் மாவட்டத்தில் பொது இடங்களில் வைக்கப்பட்டிருந்த சிலைகள் சனிக்கிழமை காவிரி ஆற்றில் கரைக்கப்பட்டன. விநாயகா் சதுா்த்தியையொட்டி, நாமக்கல் மாவட்டத்தில் 550-க்கும் மேற்பட்ட இடங்களில் விநாயகா் சிலைகள்... மேலும் பார்க்க

போதைப் பொருள் தடுப்பு விழிப்புணா்வுப் பேரணி

கந்தம்பாளையம் எஸ்.கே.வி. பள்ளி மாணவ, மாணவிகள் பங்கேற்ற போதைப் பொருள் தடுப்பு விழிப்புணா்வுப் பேரணி சனிக்கிழமை நடைபெற்றது. திருச்செங்கோடு அண்ணா சிலை முன் தொடங்கிய இந்தப் பேரணியை திருச்செங்கோடு நகர காவல... மேலும் பார்க்க