சென்னையில் கிரேன்கள் உதவியுடன் விநாயகர் சிலைகள் கடலில் கரைப்பு!
பரமத்தி வேலூா் பூக்கள் ஏல சந்தையில் பூக்களின் விலை சரிவடைந்துள்ளது.
பரமத்தி வேலூா் மற்றும் கரூா் மாவட்டம், வேலாயுதம்பாளையம் சுற்றுவட்டாரப் பகுதிகளில் பல்வேறு வகையான பூக்கள் பயிா் செய்யப்பட்டுள்ளன. இங்கு விளையும் பூக்களை விவசாயிகள் பரமத்தி வேலூரில் உள்ள பூக்கள் ஏல சந்தைகளுக்கு கொண்டு வருகின்றனா். வேலூா், ஜேடா்பாளையம், கபிலா்மலை, பரமத்தி, பாலப்பட்டி மற்றும் கரூா் மாவட்டம் வேலாயுதம்பாளையம் உள்ளிட்ட பகுதிகளைச் சோ்ந்த வியாபாரிகள் பூக்களை ஏலம் எடுக்க வருகின்றனா்.
சனிக்கிழமை நடைபெற்ற ஏலத்தில் குண்டுமல்லி கிலோ ரூ. 380-க்கும், சம்பங்கி ரூ. 120- க்கும், அரளி ரூ. 180- க்கும், ரோஜா ரூ. 150, பச்சை முல்லை ரூ. 500-க்கும், வெள்ளை முல்லை ரூ. 400-க்கும், செவ்வந்தி ரூ. 260-க்கும், கனகாம்பரம் ரூ. 500-க்கும், பன்னீா் ரோஜா ரூ. 200-க்கும், ஜாதிமல்லி ரூ. 600-க்கும், காக்கரட்டான் ரூ. 700- க்கும் ஏலம் போனது. விஷேச நிகழ்வுகள் எதுவும் இல்லாததால், பூக்கள் விலை சரிவடைந்துள்ளதாக வியாபாரிகள் தெரிவித்தனா்.
