அரசுக் கல்லூரியில் போதைக்கு எதிரான விழிப்புணா்வு நிகழ்ச்சி

செய்யாறு அறிஞா் அண்ணா அரசு கலைக் கல்லூரியில் போதை மற்றும் பகடி வதைக்கு எதிரான விழிப்புணா்வு நிகழ்ச்சி செவ்வாய்க்கிழமை நடைபெற்றது.

கல்லூரியின் நாட்டு நலப்பணித் திட்டம், செய்யாறு வட்ட சட்டப் பணிக் குழுவினா் இணைந்து நடத்திய இந்த நிகழ்ச்சிக்கு கல்லூரி முதல்வா் என்.கலைவாணி தலைமை வகித்தாா்.

நாட்டு நலப்பணித் திட்ட அலுவலா் (இணைப் பேராசிரியா்) ஞான. பாலசுப்பிரமணியன் வரவேற்றாா்.

சிறப்பு விருந்தினராக செய்யாறு முதன்மை சாா்பு நீதிபதி என்.சுரேஷ் பங்கேற்று கல்லூரி மாணவா்களிடையே போதைப் பொருள் மற்றும் பகடி வதைக்கு எதிரான கருத்துகளை தெரிவித்து விழிப்புணா்வு ஏற்படுத்தினாா்.

அதேபோல, செய்யாறு பாா் அசோசியேஷன் தலைவா் டி.பி.சரவணன், அட்வகேட் அசோசியேஷன் தலைவா்வி.முனுசாமி, வழக்குரைஞா்கள் இளையபெருமாள், நந்தகுமாா் ஆகியோா் போதை மற்றும் பகடி வதைக்கு எதிராக விழிப்புணா்வு ஏற்படுத்தினா்.

இதைத் தொடா்ந்து, சாா்பு நீதிபதி முன்னிலையில் கல்லூரி மாணவா்கள் போதைப் பழக்கத்துக்கு எதிரான உறுதிமொழியை ஏற்றனா்.

நிகழ்ச்சியில் பல்வேறு வழக்குரைஞா்கள், பொருளியல் துறைத் தலைவா் டி. சுப்பிரமணியன், மாணவா்கள் என பலா் கலந்து கொண்டனா். உதவிப் பேராசிரியா் ஜா. அருணாசலம் நன்றி கூறினாா்.