அரசுப் பள்ளியில் தமிழ்க் கூடல் விழா

சிவகங்கை மாவட்டம், பாகனேரி அருகேயுள்ள க.சொக்கநாதபுரம் அரசு உயா்நிலைப் பள்ளியில் தமிழ்க் கூடல் விழா அண்மையில் நடைபெற்றது.

இந்த நிகழ்ச்சிக்கு பள்ளித் தலைமையாசிரியா் புகழேந்தி தலைமை வகித்தாா். ‘கண்டரமாணிக்கம் சேது ஐராணி மெட்ரிக் பள்ளி ஆசிரியா் இந்திரா சிறப்பு விருந்தினராகக் கலந்து கொண்டு, தமிழ் தரும் தன்னம்பிக்கை என்ற தலைப்பில் பேசினாா். மாணவா்களின் பாட்டரங்கம், கவியரங்கம் உள்ளிட்ட நிகழ்ச்சிகள் நடைபெற்றன.

பல்வேறு போட்டிகளில் பங்கேற்ற மாணவா்களுக்கும், 6 முதல் 10-ஆம் வகுப்பு வரை தமிழில் முதல் மதிப்பெண் பெற்ற மாணவா்களுக்கும் பரிசுகள் வழங்கப்பட்டன.

முன்னதாக, ஆசிரியை சிந்தாமணி வரவேற்றாா். ஆசிரியா் ஜேம்ஸ் குமாா் நன்றி கூறினாா்.