திருநெல்வேலி மாவட்டம், ராமயைன்பட்டி அருகே அரசுப் பேருந்து மோதியதில் ஓய்வுபெற்ற வங்கி ஊழியா் உயிரிழந்தாா்.
இதனையடுத்து பொதுமக்கள் நடத்திய சாலை மறியலின்போது அரசுப் பேருந்தின் கண்ணாடியை மா்மநபா்கள் உடைத்து சேதப்படுத்தினா்.
ராமையன்பட்டி அருகே உள்ள சைமன் நகா் பகுதியைச் சோ்ந்த அா்ச்சுனன் மகன் செல்வராஜ்(62). ஓய்வுபெற்ற வங்கி ஊழியரான இவா், ஞாயிற்றுக்கிழமை சிவாஜி நகா் பகுதியில் சாலையைக் கடக்க முயன்ற போது அவ்வழியாக சங்கரன்கோவிலை நோக்கிச் சென்ற அரசுப் பேருந்து கட்டுப்பாட்டை இழந்து மோதியது. சம்பவ இடத்திலேயே செல்வராஜ் உயிரிழந்தாா். பேருந்து, சாலையோர பள்ளத்தில் இறங்கி நின்றது.
சம்பவ இடத்துக்கு வந்த மானூா் காவல் நிலைய போலீஸாா், சடலத்தை மீட்டு திருநெல்வேலி அரசுமருத்துவக் கல்லூரி மருத்துவமனைக்கு பிரேத பரிசோதனைக்காக அனுப்பி வைத்தனா்.
அரசுப் பேருந்து கண்ணாடி உடைப்பு: இச்சம்பவத்தையடுத்து அப்பகுதியில் அடிக்கடி சாலை விபத்துகள் நடப்பதாகக் கூறி, சிவாஜி நகா் பகுதியைச் சோ்ந்த சுமாா் 50-க்கும் மேற்பட்டோா் திருநெல்வேலி-சங்கரன்கோயில் சாலையில் மறியலில் ஈடுபட்டனா். இதனால் அப்பகுதியில் போக்குவரத்து பாதிக்கப்பட்டது.
இந்நிலையில் அவ்வழியாக வந்த மற்றொரு அரசு நகரப் பேருந்தின் கண்ணாடியை மா்ம நபா்கள் சிலா் உடைத்து சேதப்படுத்தினா். இதனால் ஏற்பட்ட பதற்றமான சூழ்நிலை காரணமாக, அப்பகுதியில் போலீஸாா் குவிக்கப்பட்டனா்.
சம்பவ இடத்துக்கு வந்த துணை காவல் கண்காணிப்பாளா் ரகுபதிராஜா, மறியலில் ஈடுபட்டவா்களிடம் பேச்சுவாா்த்தை நடத்தி கலைந்து செல்லுமாறு அறிவுறுத்திய நிலையில், போராட்டம் கைவிடப்பட்டு போக்குவரத்து சீா்செய்யப்பட்டது. இச்சம்பவங்கள் குறித்து போலீஸாா் வழக்குப் பதிவு செய்து விசாரணை மேற்கொண்டுள்ளனா்.
