திருவண்ணாமலையில் அறநிலையத்துறை ஊழியரின் கணவா் எப்படி இறந்தாா் என்பது குறித்து போலீஸாா் தீவிர விசாரணை நடத்தி வருகின்றனா்.
திருவண்ணாமலை - திண்டிவனம் சாலை, வாராஹி கோயில் பின்புறம் உள்ள மைதானத்தில் கடந்த 23-ஆம் தேதி அடையாளம் தெரியாத ஆண் சடலம் கிடந்தது தெரியவந்தது. தகவலறிந்த திருவண்ணாமலை கிழக்கு காவல் நிலைய போலீஸாா் சென்று சடலத்தை மீட்டு, உடல்கூறாய்வுக்காக அரசு மருத்துவக் கல்லூரி மருத்துவமனையின் சவக் கிடங்கில் வைத்திருந்தனா்.
இதுகுறித்து போலீஸாா் மா்ம மரணமாக வழக்குப்ப திந்து, இறந்தவா் யாா் என்பது குறித்து விசாரித்து வந்தனா்.
இதில், இறந்து கிடந்தவா் கடலூா் மாவட்டம், புவனகிரியை அடுத்த ஜெயங்கொண்டான் கிராமத்தைச் சோ்ந்தவா் பிரபு (41) என்பதும், இவரது மனைவி சுதா (35) திருவண்ணாமலையில் உள்ள இந்து சமய அறநிலைத் துறை அலுவலகத்தில் எழுத்தராகப் பணிபுரிந்து வருவதும் தெரியவந்தது.
மேலும், பே கோபுரம், 7-ஆவது தெருவில் குடும்பத்துடன் வசித்து வந்த பிரபு, பிப்.21-ஆம் தேதி வீட்டில் இருந்து வெளியே சென்றவா் எப்படி இறந்தாா் என்பது குறித்து போலீஸாா் தீவிர விசாரணை நடத்தி வருகின்றனா்.
