கோவையில் அழுகிய நிலையில் கிடந்த இளைஞா் சடலத்தை மீட்டு போலீஸாா் விசாரணை நடத்தி வருகின்றனா்.
வேலூா் மாவட்டம், திருப்பத்தூரைச் சோ்ந்தவா் லெனின் (34). இவா், கோவை ஜி.என்.மில்ஸ் திருவள்ளுவா் நகா் பகுதியில் அறை எடுத்துத் தங்கி, அப்பகுதியில் உள்ள தனியாா் நிறுவனத்தில் பணியாற்றி வந்தாா்.
இந்நிலையில், அவா் கடந்த 2-ஆம் தேதி முதல் பணிக்குச் செல்லவில்லையாம். இதையடுத்து, உடன் பணியாற்றும் முத்துகுமாா் என்பவா் லெனினைக் கைப்பேசியில் தொடா்பு கொண்டுள்ளாா். ஆனால், அவா் அழைப்பை ஏற்கவில்லையாம்.
இந்நிலையில், லெனின் வீட்டில் இருந்து வெள்ளிக்கிழமை துா்நாற்றம் வீசியுள்ளது. இது குறித்து அப்பகுதி மக்கள் போலீஸாருக்கு தகவல் தெரிவித்தனா்.
சம்பவ இடத்துக்கு வந்த போலீஸாா், கதவை உடைத்து உள்ளே சென்று பாா்த்தபோது, லெனின் தூக்கிட்டு தற்கொலை செய்து கொண்டதும், அவரது உடல் அழுகிய நிலையில் இருந்ததும் தெரியவந்தது.
தற்கொலைக்கான காரணம் குறித்து துடியலூா் போலீஸாா் வழக்குப் பதிவு செய்து விசாரணை நடத்தி வருகின்றனா்.
