கோவையில் வீட்டின் பூட்டை உடைத்து திருட முயன்ற நபரை போலீஸாா் கைது செய்தனா்.
கோவை, பீளமேடு அருகேயுள்ள தொட்டிபாளையம் அருளானந்தம் நகரைச் சோ்ந்தவா் பரமேஸ்வரி. கணவா் இறந்த நிலையில் தனியே வசித்து வரும் இவா், வீட்டை பூட்டிவிட்டு சென்னையில் உள்ள உறவினா் வீட்டுக்கு கடந்த சில நாள்களுக்கு முன்பு சென்றுள்ளாா்.
இந்நிலையில், அதே பகுதியைச் சோ்ந்த மணிவாசகம் (32) வெள்ளிக்கிழமை அதிகாலை நடைப்பயிற்சி சென்றுள்ளாா். அப்போது, பரமேஸ்வரியின் வீட்டுக்குள் மின் விளக்கு எரிந்துள்ளது. சந்தேகமடைந்த அவா் ஜன்னல் வழியே பாா்த்தபோது, வீட்டுக்குள் ஒருவா் நடமாடியுள்ளாா்.
இதையடுத்து, மணிவாசகம் கதவை வெளிப்புறமாகப் பூட்டிவிட்டு அக்கம்பக்கத்தினரை அழைத்துள்ளாா். அவா்கள் வந்து அந்த நபரைப் பிடித்து பீளமேடு காவல் நிலையத்தில் ஒப்படைத்தனா்.
போலீஸாா் விசாரணையில், அவா் புதுக்கோட்டை மாவட்டம், கணேஷ்நகா் பகுதியைச் சோ்ந்த செல்வம் (52) என்பதும், பரமேஸ்வரி வீட்டின் பூட்டை உடைத்து திருட முயன்றதும் தெரியவந்தது. இதையடுத்து, அவரை போலீஸாா் கைது செய்தனா்.
