அவள் விருதுகள்: உ.வாசுகி முதல் நிகிலா விமல் வரை-சென்னையில் நிகழவிருக்கும் சாதனைப் பெண்களின் சங்கமம்!

தமிழின் நம்பர் ஒன் பெண்கள் இதழான அவள் விகடனுக்கு, இது 27-வது ஆண்டு. சமூக சேவை, இலக்கியம், விவசாயம், விளையாட்டு, சினிமா என பற்பல தளங்களிலும் சிகரம் தொட்டுக் கொண்டிருக்கும் சாதனைப் பெண்களைப் பாராட்டி பெருமைப்படுத்தும் வகையில் அவள் விருதுகளை வழங்கி வருகிறது அவள் விகடன். அந்த வகையில், தற்போது ஏழாவது அவள் விருதுகள் விழா சிறப்புடன் நிகழவிருக்கிறது.

இந்த ஆண்டுக்கான அவள் விருதுகள் நிகழ்ச்சி 'பெண்ணென்று கொட்டு முரசே - சாதனைப் பெண்களின் சங்கமம்!', வரும் நவம்பர் 8-ம் தேதி சென்னையில் மாலை 5 மணி முதல் நடைபெற உள்ளது. விழாவில் ஜனநாயக மாதர் சங்க துணை தலைவர்களில் ஒருவரான உ.வாசுகி, நடிகை லட்சுமி, சிம்ரன், நிகிலா விமல் உள்ளிட்ட திரைப்பிரபலங்கள், இன்னும் பல சாதனை பெண்களும் விருது வழங்கி கவுரவிக்கப்பட உள்ளனர்.

விருது குறித்த முழு விவரங்களை தெரிந்துகொள்ள...

https://awards.vikatan.com/aval-awards/2024/