அஸ்தம்பட்டி மண்டலத்தில் ரூ. 11.07 கோடியில் கால்வாய் அமைக்கும் பணி தொடக்கம்: அமைச்சா் பங்கேற்பு

சேலம் மாநகராட்சிக்கு உள்பட்ட அஸ்தம்பட்டி மண்டலத்தில் ரூ. 11.07 கோடி மதிப்பீட்டில் கால்வாய் அமைக்கும் பணிகளை சுற்றுலாத் துறை அமைச்சா் ரா.ராஜேந்திரன் சனிக்கிழமை பூமிபூஜை செய்து தொடங்கி வைத்தாா்.

அஸ்தம்பட்டி மண்டலம் கோட்டம் எண் 8-இல் மகாலட்சுமி காா்டனில் கால்வாய் அமைக்கும் பணிகள் தொடங்கப்பட்டுள்ளன. இதற்கான பூமி பூஜையில் பங்கேற்ற சுற்றுலாத் துறை அமைச்சா் ரா. ராஜேந்திரன், மேயா் ஆ.ராமச்சந்திரன் ஆகியோா் பணிகளை தொடங்கி வைத்தனா்.

இந்நிகழ்ச்சியில், மாநகராட்சி ஆணையா் மா.இளங்கோவன், துணை மேயா் மா. சாரதாதேவி, மாநகர பொறியாளா் ஆா்.செல்வநாயகம், மாமன்ற உறுப்பினா் எம்.மூா்த்தி, உதவி செயற்பொறியாளா் எஸ்.செந்தில்குமாா் உள்ளிட்டோா் பங்கேற்றனா்.