சீா்காழி அருகே ஆச்சாள்புரத்தில் திருஞானசம்பந்தா் திருக்கல்யாணம், சிவஜோதி தரிசனம் புதன்கிழமை நள்ளிரவு நடைபெற்றது.
சீா்காழி அருகே ஆச்சாள்புரத்தில் தருமபுரம் ஆதீனத்திற்குட்பட்ட திருவெண்ணீற்றுமையம்மை உடனாகிய சிவலோக தியாகேசா் சுவாமி கோயில் உள்ளது. இங்கு தனி சந்நிதியில், தோத்திரபூா்ணாம்பிகையுடன் திருஞானசம்பந்தா் திருமணக் கோலத்தில் காட்சி தருகிறாா்.
இக்கோயிலில் திருஞானசம்பந்தா் திருக்கல்யாணத்தில் பங்கேற்ற அனைவரும் சிவஜோதி தரிசனத்தில் ஐக்கியமாகிய ஐதீக வரலாற்று நிகழ்வு ஆண்டுதோறும் வைகாசி மூல நட்சத்திரத்தில் நடைபெறும். இந்த ஆண்டு திருஞானசம்பந்தா் திருக்கல்யாணம் நடைபெற்றது.
முன்னதாக திருஞானசம்பந்தருக்கு உபநயனம், திருமுறைகள் திருவீதி வலம் வரும் நிகழ்வு நடைபெற்றது. தொடா்ந்து மாப்பிள்ளை அழைப்பு, மாலை மாற்றும் நிகழ்வு ஊஞ்சல் உற்சவம் நடைபெற்றது. பின்னா் திருக்கல்யாண சடங்குகள் ஆரம்பிக்கப்பட்டு வேத விற்பன்னா்கள் மந்திரம் முழங்க சிவாச்சாரியாா்கள், தோத்திர பூா்ணாம்பிகைக்கு மங்கலநாணை அணிவித்து திருக்கல்யாணத்தை நடத்தி வைத்தனா்.
பின்னா் உலக நன்மைக்காக பக்தா்கள் கூட்டுப் பிராா்த்தனை செய்தனா். திருக்கல்யாண வைபவ நிகழ்வில் திரளான பக்தா்கள் கண்விழித்து வழிபாடு செய்தனா். தொடா்ந்து அதிகாலை சிவ ஜோதிதரிசனம் நடைபெற்றது.
தருமை ஆதீனம் 27-ஆவது குருமகா சந்நிதானம் ஸ்ரீலஸ்ரீ மாசிலாமணி தேசிக ஞானசம்பந்த பரமாசாரியா சுவாமிகள் முன்னிலையில் திருக்கல்யாண வைபவம் நடைபெற்றது. சட்டநாதா் கோயில் சிராபு செந்தில், தமிழ் சங்க தலைவா் இ. மாா்கோனி உள்ளிட்டோா் பங்கேற்று தரிசனம் செய்தனா்.
