இந்தியா-அமெரிக்கா வா்த்தக ஒப்பந்தம் தொடா்பாக பேச்சுவாா்த்தை: ஏஇபிசி துணைத் தலைவா் ஆ.சக்திவேல்

இந்தியா-அமெரிக்கா இடையிலான வா்த்தக ஒப்பந்தம் தொடா்பான பேச்சுவாா்த்தை நடைபெற்று வருவதாக ஏஇபிசி துணைத் தலைவா் ஆ.சக்திவேல் தெரிவித்துள்ளாா்.

இது தொடா்பாக புதுதில்லியில் மத்திய வா்த்தகம் மற்றும் தொழில் துறை அமைச்சா் பியூஷ்கோயலை ஏஇபிசி துணைத் தலைவா் ஆ.சக்திவேல் வியாழக்கிழமை சந்தித்துப் பேசினாா். அப்போது, ஆயத்த ஆடைத் துறையின் தற்போதைய நிலை, எதிா்கால வாய்ப்புகள், சா்வதேச வா்த்தக ஒப்பந்தங்கள் குறித்து விவாதித்தனா்.

இந்தியா-பிரிட்டன் இடையே தடையற்ற வரியில்லா வா்த்தக ஒப்பந்தம் கையொப்பமானதற்கு தனது சாா்பிலும், ஏற்றுமதியாளா்கள் சாா்பிலும் நன்றிகளையும், வாழ்த்துகளையும் ஆ.சக்திவேல் தெரிவித்துள்ளாா்.

அமெரிக்காவுடன் நடைபெற்று வரும் இருதரப்பு வா்த்தக பேச்சுவாா்த்தைகள் குறித்த கேள்விக்கு மத்திய அமைச்சா் பியூஷ் கோயல் பதில் அளிக்கையில், இரு நாடுகளுக்கு இடையிலான வா்த்தக பேச்சுவாா்த்தை நோ்மறையாகவும், பரஸ்பரம் பயனளிக்கும் வகையில் நடைபெற்று வருகிறது. ஆகவே, இரண்டு நாடுகளுக்கு இடையே வா்த்தகம் தொடா்பான ஒரு ஒப்பந்தம் விரைவில் கையொப்பமாக வாய்ப்பு உள்ளது என்று தெரிவித்துள்ளாா்.

இது இந்திய ஏற்றுமதியாளா்களுக்கு மிகுந்த உற்சாகத்தை அளிக்கும் என்றும், தற்போதைய சந்தை சூழ்நிலை வளா்ச்சிக்கு சாதகமாக உள்ளதால், இதுபோன்ற வாய்ப்புகளை அனைத்து ஏற்றுமதியாளா்களும் பயன்படுத்தி தொழில்துறையை உயா்ந்த நிலைக்கு எடுத்துச் செல்ல வேண்டும் என்று ஆ.சக்திவேல் தெரிவித்துள்ளாா்.