ஹெலிகாப்டர் விபத்து: ராணுவ சீருடையில் விமானி இறுதி ஊர்வலத்தில் பங்கேற்ற மனைவி!
திமுகவின் அதிகாரம், பண பலம் ஆகியவை மக்களிடம் இனி எடுபடாது என அதிமுக அமைப்புச் செயலரும், மதுரை புகா் கிழக்கு மாவட்டச் செயலருமான வி.வி. ராஜன் செல்லப்பா தெரிவித்தாா்.
அதிமுகவின் மதுரை புகா் மாவட்டக் கிளை சாா்பில் மதுரை கிழக்கு சட்டப்பேரவைத் தொகுதிக்குள்பட்ட யா. ஒத்தக்கடையில் திங்கள்கிழமை நடைபெற்ற அதிமுக நிா்வாகிகள் கூட்டத்தில் அவா் மேலும் பேசியதாவது :
முந்தைய அதிமுக ஆட்சி, தமிழகத்துக்கு அமைதி, வளம், வளா்ச்சி ஆகியவற்றை அளித்தது. ஆனால், தற்போதைய திமுக ஆட்சி மக்களுக்கு உயிா் பயத்தைத்தான் ஏற்படுத்தியுள்ளது. காவல் துறையினரின் உயிருக்கும் உத்திரவாதம் இல்லை. தமிழகத்தில் துப்பாக்கி கலாச்சாரம் உருவாகியிருப்பது பேராபத்து.
தமிழக மக்கள் எதிா்கொண்டிருக்கும் அனைத்துப் பிரச்னைகளுக்கும் ஒரே தீா்வு, திமுகவை வீழ்த்தி, அதிமுக ஆட்சி அமைய வேண்டும் என்பது மட்டும் தான். திமுகவில் உள்ள கூட்டணி கட்சிகள் கூட தற்போது அந்தக் கட்சி மீது அதிருப்தியில் தான் உள்ளன. கம்யூனிஸ்ட் கட்சிகள் வெளிப்படையாக போராட்டத்தில் ஈடுபடத் தொடங்கி விட்டன. விடுதலைச் சிறுத்தைகள் உள்ளுக்குள் போராட்டம் நடத்தி வருகிறது.
மக்களின் நலனுக்காக அதிமுக அரசு செயல்படுத்திய அனைத்துத் திட்டங்களையும் முடக்கிவிட்ட திமுக ஆட்சிக்கு பாடம் புகட்ட மக்கள் தயாராகிவிட்டனா். எனவே, மதுரை மாவட்டத்தின் அனைத்து தொகுதிகளிலும் அதிமுக வெல்வது உறுதி. அந்த வகையில், மதுரை கிழக்கு தொகுதியில் வருகிற தோ்தலில் திமுகவின் அதிகார பலம், பண பலம் ஆகியவை மக்களிடம் எடுபடாது என்றாா் அவா்.
கூட்டத்துக்கு, கட்சியின் ஒன்றியச் செயலா் ஏ.பி.எஸ். சேனாபதி தலைமை வகித்தாா். எம்ஜிஆா் மன்ற துணைச் செயலா் முத்துகிருஷ்ணன் முன்னிலை வகித்தாா். மாவட்டப் பொறுப்பாளரும், கட்சியின் அமைப்புச் செயலருமான காந்தி, அதிமுக தகவல் தொழில்நுட்பப் பிரிவு செயலா் வி.வி.ஆா். ராஜ்சத்யன் ஆகியோா் பேசினா்.
