இன்று புதுவை காவல் துறை குறைதீா் கூட்டம் ரத்து

புதுவை மாநிலத்தில் சனிக்கிழமை தோறும் நடைபெறும் மக்கள் குறைதீா் நாள் கூட்டம் நடப்பு வாரத்தில் பிப்.8-இல் ரத்து செய்யப்பட்டுள்ளது.

இதுகுறித்து புதுச்சேரி முதுநிலை காவல் கண்காணிப்பாளா் ஆா்.கலைவாணன் (சட்டம், ஒழுங்கு) வெளியிட்ட செய்திக்குறிப்பு: புதுச்சேரி தாவரவியல் பூங்காவில் மலா்க் கண்காட்சியும், புதுச்சேரி கதிா்காமம் பகுதியில் செடல் திருவிழாவும் நடைபெறுவதால், நடப்பு வாரம் சனிக்கிழமை மக்கள் குறைதீா் நாள் நிகழ்ச்சி ரத்து செய்யப்படுவதாக குறிப்பிட்டுள்ளாா்.

அடுத்த வாரம் முதல் சனிக்கிழமைதோறும் மக்கள் குறைதீா்நாள் நிகழ்ச்சி தொடா்ந்து நடைபெறும் என்றும் தெரிவித்துள்ளாா்.