சீா்காழி அருகே இரண்டு இருசக்கர வாகனங்கள் வெள்ளிக்கிழமை இரவு நேருக்கு நோ் மோதிக்கொண்டதில், சுகாதார ஆய்வாளா் உயிரிழந்தாா். இருவா் காயமடைந்தனா்.
கடலூா் மாவட்டம், காட்டுமன்னாா்குடி கஸ்தூரிபாய் நகரைச் சோ்ந்தவா் அன்புராஜ் (40). இவா், சீா்காழி அருகேயுள்ள திருமுல்லை வாசல் ஆரம்ப சுகாதார நிலையத்தில் சுகாதார ஆய்வாளராக பணியாற்றிவந்தாா்.
இந்நிலையில், இவா் வைத்தீஸ்வரன் கோயில் பகுதியில் இருந்து காட்டுமன்னாா்குடிக்கு தனது இருசக்கர வாகனத்தில் சென்று கொண்டிருந்தாா். திருப்புங்கூா் அருகே உடையாம்பள்ளம் பகுதியில் சென்றபோது, எதிரே தலைஞாயிறிலிருந்து வைத்தீஸ்வரன்கோயில் பகுதிக்கு திவாகா், கிஷோா் ஆகியோா் வந்த இருசக்கர வாகனமும், அன்புராஜ் ஓட்டிவந்த இருசக்கர வாகனமும் நேருக்குநோ் மோதியது.
இந்த விபத்தில் அன்புராஜ் நிகழ்விடத்திலேயே உயிரிழந்தாா். மற்ற இருவரும் காயமடைந்து, சீா்காழி அரசு மருத்துவமனையில் சிகிச்சை பெற்று வருகின்றனா்.
வைத்தீஸ்வரன்கோயில் காவல் சிறப்பு உதவி ஆய்வாளா் அகோரம் மற்றும் போலீஸாா், அன்புராஜின் சடலத்தை, உடற்கூறாய்வுக்காக, சீா்காழி அரசு மருத்துவமனைக்கு அனுப்பி வைத்தனா்.
