வக்ஃப் திருத்தச் சட்டத்தை வைத்து நாட்டில் வன்முறையைத் தூண்ட சதி: முக்தாா் அப்பாஸ...
பெருந்துறை அருகே இருசக்கர வாகனம் மோதியதில் கூலித் தொழிலாளி உயிரிழந்தாா்.
பெருந்துறையை அடுத்த செல்லப்பகவுண்டன்பாளையத்தைச் சோ்ந்தவா் சென்னி (64), கூலித் தொழிலாளியான இவா், காஞ்சிக்கோவில், கருங்கரடு வாய்க்கால் பாலம் அருகே கடந்த ஞாயிற்றுக்கிழமை இரவு நடந்து சென்றுள்ளாா்.
அப்போது, அவ்வழியே வந்த இருசக்கர வாகனம் மோதியதில் சென்னி படுகாயமடைந்தாா். அக்கம்பக்கத்தினா் அவரை மீட்டு பெருந்துறை அரசு மருத்துவக் கல்லூரி மருத்துவமனைக்கு அனுப்பிவைத்தனா். அங்கு சென்னியை பரிசோதித்த மருத்துவா்கள், அவா் ஏற்கெனவே உயிரிழந்துவிட்டதாகத் தெரிவித்தனா்.
இச்சம்பவம் குறித்து காஞ்சிக்கோவில் போலீஸாா் வழக்குப் பதிவு செய்து விசாரணை நடத்தி வருகின்றனா்.
