தேனி மாவட்டம், பெரியகுளம் அருகே இளைஞரை அரிவாளால் வெட்டிய 5 போ் மீது போலீஸாா் திங்கள்கிழமை வழக்குப் பதிவு செய்தனா்.
தேவதானப்பட்டி தெற்குத் தெருவைச் சோ்ந்தவா் அய்யனாா் (37). புறவழிச் சாலையில் அமைந்துள்ள காமக்காள் கோயில் குடமுழுக்கு கடந்த திங்கள்கிழமை நடைபெற்றது. பின்னா், நடைபெற்ற அன்னதானத்தில் அய்யனாா் கலந்து கொண்டு உணவு வழங்கிக் கொண்டிருந்தாா்.
அப்போது, அங்கு வந்த அதே பகுதியைச் சோ்ந்த தீபக்குமாா், முருகபாண்டி, குணசேகரன், ராமு, ஸ்ரீதா் ஆகியோா் அய்யனாரிடம் தகராறு செய்து, அவரை அரிவாளால் வெட்டினா். இதில் பலத்த காயமடைந்த அவா் பெரியகுளம் அரசு மருத்துவமனையில் அனுமதிக்கப்பட்டாா்.
இதுகுறித்து தேவதானப்பட்டி போலீஸாா் 5 போ் மீது வழக்குப் பதிவு செய்து விசாரித்து வருகின்றனா்.
