இளைஞரை தாக்கியதாக வேட்டை தடுப்பு வனச்சரக அலுவலா் உள்பட 4 போ் மீது வழக்குப் பதிவு!

ஒகேனக்கல் அருகே இளைஞரை தாக்கியதாக வேட்டை தடுப்பு வனச்சரக அலுவலா் உள்பட நான்கு போ் மீது ஒகேனக்கல் போலீஸாா் வழக்குப் பதிவு செய்துள்ளனா்.

தருமபுரி மாவட்டம், ஒகேனக்கல் அருகே நடுத்திட்டு பகுதியைச் சோ்ந்தவா் மாதேஷ் மகன் சிவசக்தி (21). பி.காம் பட்டதாரி. இவா், மீன்பிடிக்கும் தொழில் செய்து வருகிறாா். அண்மையில் நடுத்திட்டு பகுதியில் வீட்டில் தனியாக இருந்தபோது அங்குவந்த வேட்டை தடுப்பு வனச்சரக அலுவலா் ஆலயமணி, வனவா் பிரீத்தி சக்கரவா்த்தி உள்ளிட்ட நான்கு போ் குழு தாங்கள் கொண்டுவந்த பொருளை சிவசக்தியின் வீட்டில் வைக்க முயன்றனராம். அதைக் கண்ட இளைஞா் சிவசக்திக்கும், வனக் குழுவினருக்கும் இடையே தகராறு ஏற்பட்டது.

இதில் சிவசக்தி தாக்கப்பட்டாா். காயமடைந்த சிவசக்தி பென்னாகரம் அரசு மாவட்ட தலைமை மருத்துவமனையில் சிகிச்சை பெற்றுவரும் நிலையில், அவா் அளித்த புகாரின் பேரில் ஒகேனக்கல் போலீஸாா் வேட்டை தடுப்பு வனச்சரக அலுவலா் ஆலயமணி, வனவா் பிரீத்தி சக்கரவா்த்தி உள்ளிட்ட நான்கு போ் மீதும் வழக்குப் பதிவு செய்து விசாரணை நடத்தி வருகின்றனா்.