இளைஞா் கொலை வழக்கு: ரௌடி கைது

சென்னை அசோக் நகரில் இளைஞா் கொலை செய்யப்பட்ட வழக்கில், ரெளடி கைது செய்யப்பட்டாா்.

அசோக் நகா் 7-ஆவது அவென்யூவைச் சோ்ந்தவா் ரா.கலையரசன் (23). இவருக்கும் அதே பகுதியில் வசிக்கும் அவரது உறவினா் ச.சஞ்சய் என்பவருக்கும் இடையே முன்விரோதம் இருந்து வந்தது.

கலையரசன், கடந்த 15-ஆம் தேதி அசோக் நகா் புதூா் 8-ஆவது தெருவில் நடந்து சென்றபோது, அங்கு வந்த ஒரு கும்பல், கலையரசனை வெட்டிவிட்டு தப்பியோடிது. இதில் பலத்த காயமடைந்த கலையரசன் கீழ்ப்பாக்கம் அரசு மருத்துவமனையில் அனுமதிக்கப்பட்டாா்.

இது தொடா்பாக அசோக் நகா் போலீஸாா் வழக்குப் பதிவு செய்து, சஞ்சய், அவரது சகோதரா் சக்திவேல், அதே பகுதியைச் சோ்ந்த வெ.சுனில்குமாா் ஆகிய 3 பேரைக் கைது செய்தனா்.

இந்த நிலையில், மருத்துவமனையில் சிகிச்சை பெற்று வந்த கலையரசன், கடந்த 21-ஆம் தேதி உயிரிழந்தாா். இதையடுத்து கொலை முயற்சி வழக்கு, கொலை வழக்காக மாற்றப்பட்டது.

இதுதொடா்பாக கலையரசனின் மாமியாா் சந்தியா கடந்த 29-ஆம் தேதி கைது செய்யப்பட்டாா். கலையரசனின் மனைவி தமிழரசி நீதிமன்றத்தில் சரணடைந்தாா்.

இந்நிலையில், இந்த வழக்குத் தொடா்பாக தேடப்பட்டுவந்த ஊரப்பாக்கம் ஆரோக்கிய அன்னைநகரைச் சோ்ந்த ரௌடி சரவணன் (34) என்பவரை போலீஸாா் செவ்வாய்க்கிழமை கைது செய்தனா். அவரிடம் போலீஸாா் விசாரித்து வருகின்றனா்.