ஊத்துக்குளி ஊராட்சி ஒன்றியம் மற்றும் பேரூராட்சி பகுதிகளில் ரூ.2.50 கோடி மதிப்பீட்டில் சாலைப் பணியை தமிழ் வளா்ச்சி மற்றும் செய்தித் துறை அமைச்சா் மு.பெ.சாமிநாதன் தொடங்கிவைத்தாா்.
இந்நிகழ்ச்சிக்கு மாவட்ட ஊரக வளா்ச்சி முகமையின் திட்ட இயக்குநா் கோ.மலா்விழி தலைமை வகித்தாா். அமைச்சா் மு.பெ.சாமிநாதன் பங்கேற்று, சாலைப் பணிகளைத் தொடங்கிவைத்து பேசியதாவது: மாவட்டங்களில் நடைபெறும் வளா்ச்சித் திட்டப் பணிகளை விரைந்து முடித்து மக்களின் பயன்பாட்டுக்கு ஒப்படைக்க வேண்டும் என்று முதல்வா் அறிவுறுத்தியுள்ளாா்.
இதன் ஒரு பகுதியாக ஊத்துக்குளி ஊராட்சி ஒன்றியத்துக்குள்பட்ட பகுதிகளில் ரூ.2.50 கோடி மதிப்பீட்டில் பல்வேறு புதிய சாலைப் பணிகள் தொடங்கிவைக்கப்பட்டுள்ளன. தோ்தல் வாக்குறுதிகள் அனைத்தையும் நிறைவேற்ற வேண்டும் என்ற அடிப்படையில் திட்டங்களும் வழங்கப்பட்டு வருகின்றன.
குறிப்பாக அரசு மற்றும் அரசு உதவிபெறும் பள்ளிகளில் படித்து வரும் மாணவ, மாணவிகளுக்கு அரசின் சாா்பில் பல்வேறு சலுகைகள் வழங்கப்பட்டு வருகின்றன என்றாா்.
முன்னதாக, ஊத்துக்குளி பேரூராட்சி வாா்டு என் 11-இல் ரூ.65 லட்சத்தில் சாலை மேம்பாட்டு பணி, வடுகபாளையம் ஊராட்சி, தேனீஸ்வரம்பாளையத்தில் ரூ.1.28 கோடியில் சாலைப் பணி, குன்னத்தூா் சாலை முதல் ஒருக்கம்பாளையம் சாலை வரை ரூ.57.59 லட்சத்தில் புதிய சாலை அமைக்கும் பணியை அமைச்சா் தொடங்கிவைத்தாா்.
இந்நிகழ்ச்சியில், முன்னாள் சட்டப் பேரவை உறுப்பினா் தோப்பு என்.டி.வெங்கடாசலம், வருவாய் கோட்டாட்சியா் கு.மோகனசுந்தரம், ஊத்துக்குளி பேரூராட்சித் தலைவா் பழனியம்மாள் ராசுக்குட்டி, செயல் அலுவலா் ரவிகுமாா், ஊத்துக்குளி வட்டார வளா்ச்சி அலுவலா் சரவணன், உதவி பொறியாளா் ரமேஷ்குமாா் உள்ளிட்டோா் கலந்துகொண்டனா்.
