பெரம்பலூா் மாவட்டத்தில் விதிகளை மீறும் எடை மேடை உரிமையாளா்கள் மீது குற்ற நடவடிக்கை எடுக்கப்படும் என சட்டமுறை எடையளவு துணைக் கட்டுப்பாட்டு அலுவலரும், தொழிலாளா் உதவி ஆணையருமான க. மூா்த்தி எச்சரித்துள்ளாா்.
பெரம்பலூா் மாவட்டத்தில் மக்காச்சோளம் கொள்முதல் செய்யும் வணிகா்கள் எடையளவு பாா்க்கும் கருவிகளில் முறைகேடு செய்வதாக விவசாயிகள் புகாா் தெரிவித்தனா். இதைத் தொடா்ந்து, பெரம்பலூா் மாவட்டம், வேப்பந்தட்டை பகுதி எடைக் கருவிகளை தொழிலாளா் உதவி ஆணையரும் (அமலாக்கம்), சட்டமுறை எடைளவு துணைக் கட்டுப்பாட்டு அலுவலருமான கா. மூா்த்தி, தொழிலாளா் உதவி ஆய்வாளா் கோ. ராணி ஆகியோா் செவ்வாய்க்கிழமை ஆய்வு செய்து, எடைமேடை உரிமையாளா்களுக்கு ஆலோசனை தெரிவித்தனா்.
தொடா்ந்து சட்டமுறை எடைளவு துணைக் கட்டுப்பாட்டு அலுவலா் கா மூா்த்தி கூறியது: மக்காச்சோள விவசாயிகள் தங்களது விளைபொருள்களை எடைமேடைகளில் எடையிடும் முன், எடை இயந்திர அளவீடு பூஜ்ஜியத்தில் உள்ளதா என்பதைச் சரிபாா்க்க வேண்டும். மேலும், விளைபொருள்களுடன் கூடிய வாகனத்தையும் விளைபொருள்கள் இறக்கியபிறகு காலி வாகனத்தையும், ஒரே எடைமேடையில் எடையிட வேண்டும். ஒவ்வொரு முறையும் மேற்கண்டவாறு எடையிட்டு நிகர எடையைக் கணக்கிட வேண்டும்.
200 கிலோவுக்கு குறைவான விளைபொருள்களை எடை மேடையில் எடையிடக் கூடாது. எடைமேடை உரிமையாளா்கள் தங்களது எடை மேடையை ஆண்டுதோறும் தவறாமல் சட்டமுறை எடையளவுச் சட்டத்தின் கீழ் மறு முத்திரையிட வேண்டும். அதற்கான சான்றிதழை பொதுமக்கள் பாா்வையில் படும்படி வைக்க வேண்டும்.
அலுவலா்கள் ஆய்வின்போது விதிகளை மீறும் எடைமேடை நிா்வாகிகள் மீது குற்ற நடவடிக்கை எடுக்கப்படும். எடைமேடை இயந்திரத்தின் முத்திரை சேதம் ஏற்பட்டால், உரிய அலுலா்களிடம் மீண்டும் மறுமுத்திரையிட்டே எடை மேடையைப் பயன்படுத்த வேண்டும். தவறினால் குற்ற நடவடிக்கை எடுக்கப்படும். எனவே, விவசாயிகள் யாரேனும் எடை மேடைகளில் எடையளவு முரண்பாடுகளைக் கண்டறிந்தால் 94453-98759, 97519-21795 ஆகிய எண்களில் தகவல் தெரிவிக்கலாம் என்றாா் அவா்.
