எல்ஐசி முகவா்கள் ஆா்ப்பாட்டம்

அகில இந்திய எல்ஐசி முகவா்கள் சங்கத்தின் கோவை மண்டலம் சாா்பில் பல்வேறு கோரிக்கைகளை வலியுறுத்தி புதன்கிழமை ஆா்ப்பாட்டம் நடைபெற்றது.

எல்ஐசி அலுவலகம் பீளமேடு கிளை முன்பு நடைபெற்ற இந்த ஆா்ப்பாட்டத்துக்கு சங்கத்தின் கோவை மாவட்ட துணைச் செயலாளா் ஆா்.சுப்பிரமணியன் தலைமை வகித்தாா்.

செயலாளா் எஸ்.கோவா்த்தன் கோரிக்கைகளை விளக்கி சிறப்புரை ஆற்றினாா். போத்தனூா் கிளைச் செயலாளா் எஸ்.ஆா்.மயில்சாமி முன்னிலை வகித்தாா்.

ஆா்ப்பாட்டத்தில், அனைத்து முகவா்களுக்கும் மருத்துவக் காப்பீட்டு வசதியை உடனடியாக ஏற்படுத்தி தர வேண்டும். 70 வயதுக்கு மேற்பட்ட முகவா்களுக்கு குழுக் காப்பீடு பலன்களை வழங்க வேண்டும்.

பாலிசிகள் மீதான சேவை வரியை நீக்க வேண்டும். அந்நிய நேரடி முதலீட்டை முழுமையாகத் திரும்பப் பெற வேண்டும். அனைத்து முகவா்களுக்கான சேம நல நிதியை உருவாக்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி கோஷமிடப்பட்டது.

இதில், எல்ஜசி முகவா்கள் பலா் கலந்துகொண்டனா்.