ஏகாம்பரநாதா் கோயில் அறங்காவலா்கள் பொறுப்பேற்பு

காஞ்சிபுரம்: காஞ்சிபுரம் ஏகாம்பரநாதா் கோயில் அறங்காவலா் குழு தலைவராக எம்.வி.எம். வேல்மோகன் உள்பட 5 போ் திங்கள்கிழமை பொறுப்பேற்றனா்.

இத்திருக்கோயில் கும்பாபிஷேகப் பணிகள் ரூ.28 கோடியில் நடைபெற்று வருகின்றன. இந்நிலையில் அறங்காவலா் குழுவினா் நியமிக்கப்பட்டு பொறுப்பேற்றுக் கொண்டனா். அறங்காவலா் குழுவின் தலைவராக சென்னையைச் சோ்ந்த எம்.வி.எம்.வேல்மோகன், உறுப்பினா்களாக வ.ஜெகன்னாதன், எஸ்.விஜயகுமா், சு.வரதன், வசந்தி சுகுமாறன் உள்ளிட்ட 5 போ் பொறுப்பேற்றனா்.

காஞ்சிபுரம் அறநிலையத்துறை உதவி ஆணையா் ஆா்.காா்த்திகேயன் உறுப்பினா்களுக்கும் பதவியேற்பு செய்து வைத்து அதற்கான அரசாணையையும் வழங்கினாா்.

நிகழ்வில் கோயில் செயல் அலுவலா் ப.முத்துலட்சுமி, ஆய்வாளா் அலமேலு, மணியக்காரா் குபேரன், கோயில் பணியாளா்கள் கலந்து கொண்டனா்.

முன்னதாக மூலவா் முன்பு நிா்வாகத்தை நோ்மையாகவும், சிறப்பாகவும் செயல்படுத்துவோம் என அறங்காவலா் குழு உறுப்பினா்கள் உறுதிமொழி எடுத்தனா். அறங்காவலா் குழு உறுப்பினா்களுக்கு காஞ்சிபுரம் எம்.பி. க.செல்வம், எம்எல்ஏக்கள் க.சுந்தா், எழிலரசன், தலைமை செயற்குழு உறுப்பினா் எம்.எஸ்.சுகுமாா், மாமன்ற மண்டலக்குழுவின் தலைவா் சந்துரு, திமுக பிரமுகா்கள் வாழ்த்துகளை தெரிவித்தனா்.

ஏற்கனவே பணியாற்றியவா்களே மீண்டும் உறுப்பினா்களாக தோ்வு செய்யப்பட்டுள்ளது குறிப்பிடத்தக்கது.