ஏா்வாடி அருகே அரசுப் பேருந்தில் ஓட்டுநா் மாரடைப்பால் மரணம்

திருநெல்வேலி மாவட்டம், ஏா்வாடி அருகே ஓடும் அரசுப் பேருந்தில் திடீா் மாரடைப்பு ஏற்பட்டதால், பேருந்தை சாலையோரம் நிறுத்திவிட்டு ஓட்டுநா் உயிரிழந்த சோகம் நிகழ்ந்துள்ளது.

தென்காசி மாவட்டம் புளியங்குடியில் இருந்து கன்னியாகுமரி மாவட்டம் நாகா்கோவிலுக்கு தடம் எண்.182 அரசுப் பேருந்து வெள்ளிக்கிழமை காலை 5 மணிக்கு புறப்பட்டது. புளியங்குடியைச் சோ்ந்த மாரியப்பன் (55) பேருந்தை ஓட்டினாா். நெல்கட்டும்செவலைச் சோ்ந்த ராமராஜா நடத்துநராக பணியில் இருந்தாா்.

இந்தப் பேருந்து ஏா்வாடி பேருந்து நிலையத்தில் பயணிகளை இறக்கி, ஏற்றிவிட்டு தெற்கு பிரதான சாலையில் வள்ளியூா் நோக்கி சென்று கொண்டிருந்தபோது, ஓட்டுநா் மாரியப்பனுக்கு திடீரென நெஞ்சுவலி ஏற்பட்டுள்ளது.

உடனே, அவா் பேருந்தை சாலையோரம் பாதுகாப்பாக நிறுத்திவிட்டு இருக்கையில் சாய்ந்துள்ளாா். பயணிகள் அவரை ஆட்டோ மூலம் ஏா்வாடி தனியாா் மருத்துவமனைக்கு கொண்டுசென்றனா். ஆனால், அவா் ஏற்கெனவே உயிரிழந்துவிட்டதாக மருத்துவா்கள் தெரிவித்தனா்.

ஓடும் பேருந்தில் 52 பயணிகளை காப்பாற்றிவிட்டு ஓட்டுநா் உயிரிழந்த சம்பவம் அப்பகுதியில் பெரும் சோகத்தை ஏற்படுத்தியது.