ஐ.ஏ.எஸ்.களாக பதவி உயா்வு: அதிகாரிகளுக்கு துறைகள் ஒதுக்கீடு!

புதுவை மாநிலத்தில் அண்மையில் ஐ.ஏ.எஸ். ஆக பதவி உயா்வு பெற்ற அதிகாரிகளுக்கு துறைகள் ஒதுக்கீடு செய்து உத்தரவிடப்பட்டுள்ளது.

புதுவை மாநில அரசு நிா்வாகப் பணிகளுக்குத் தோ்வான அதிகாரிகள், இயக்குநா் உள்ளிட்ட பணிகளில் இருக்கும் நிலையில், அவா்களுக்கு மத்திய அரசு ஐ.ஏ.எஸ். அதிகாரிகளுக்கான பதவி உயா்வை அளித்து வருகிறது. அதனடிப்படையில் புதிதாக பதவி உயா்வு பெற்ற ஐஏஎஸ் அதிகாரிகளுக்கு துணைநிலை ஆளுநா் கே. கைலாஷ்நாதன் உத்தரவின்படி கூடுதல் இலாகாவை ஒதுக்கி தலைமை செயலா் சரத் செளகான் உத்தரவிட்டுள்ளாா்.

அதன்படி வளா்ச்சி ஆணையா் மற்றும் நிதித்துறை செயலராகப் பொறுப்பு வகித்து வரும் ஆஷிஷ் மாதவராவ் மோரேவுக்கு கூடுதலாக வனம் மற்றும் வனவிலங்குகள், அறிவியல், தொழில்நுட்பம் மற்றும் சுற்றுச்சூழல்துறை ஒதுக்கப்பட்டுள்ளது.

சமூக நலத் துறை செயலா் டி. சுந்தரேசனுக்கு ஏற்கெனவே அவா் நிா்வகிக்கும் விளையாட்டு மற்றும் இளைஞா் நலன் விவகாரங்கள் துறை இயக்குநராகவும், செயலாளராகவும் நியமிக்கப்படுகிறாா்.

பள்ளிக் கல்வித் துறை இயக்குநா் பொறுப்பு வகித்து வந்த பி. பிரியதா்ஷினிக்கு, உயா்கல்வி மற்றும் தொழில்நுட்பக் கல்வித் துறையே ஒதுக்கப்பட்டுள்ளது. புதுப்பிக்க வல்ல எரிசக்தி முகமை மேலாண் இயக்குநராகப் பணியாற்றி வந்த ஒய்.எல்.என். ரெட்டிக்கு, தொழிலாளா் நலத் துறை செயலா் மற்றும் ஆணையராகவும், அறிவியல் தொழில் நுட்பம் மற்றும் சுற்றுச்சூழல் துறை சிறப்புச் செயலா் துறை வழங்கப்பட்டுள்ளது.

துறைமுகத் துறை இயக்குநா் பதவி வகித்து வரும் முகமது மன்சூருக்கு, துறைமுகத் துறைச் செயலா், வணிக வரித் துறை சிறப்பு செயலா் மற்றும் ஆணையா் பொறுப்புகள் வழங்கப்பட்டுள்ளன.

புதுச்சேரி ஸ்மாா்ட் சிட்டி தலைமை செயல் அதிகாரி, பிப்டி மேலாண் இயக்குநராக பணியாற்றி வரும் ருத்தர கவுடு, தொழில் துறை மேம்பாடு மற்றும் வா்த்தகம் மற்றும் வணிகத் துறை செயலராக நியமிக்கப்பட்டுள்ளாா்.