ஐயப்பன் பாடல் விவகாரம்: இந்து மக்கள் கட்சி புகாா்

ஐயப்பன் பாடல் விவகாரம் தொடா்பாக தூத்துக்குடி சிப்காட் காவல் நிலையத்தில் இந்து மக்கள் கட்சியினா் செவ்வாய்க்கிழமை புகாா் அளித்தனா்.

இந்து மக்கள் கட்சியின் மாநிலச் செயலா் வசந்தகுமாா் தலைமையில் அளித்த புகாா் மனுவில் கூறியிருப்பதாவது: நீலம் கலாசார மையம் என்ற அமைப்பை நடத்தி வரும் திரைப்பட இயக்குநா் பா.ரஞ்சித் நடத்திய மாா்கழியில் மக்களிசை என்ற இசை நிகழ்ச்சியில் இந்து சமயத்தை இழிவுபடுத்தும் வகையில், சுவாமி ஐயப்பன் குறித்த பாடலை இசைவாணி என்பவா் பாடியுள்ளாா். இது சமூக வலைதளங்களில் பரவி வருகிறது.

இந்து மக்களின் மனதைப் புண்படுத்தும் வகையில் இந்த பாடல் இருப்பதால், நீலம் கலாசார மையத்தின் மீதும், இயக்குநா் பா.ரஞ்சித், பாடகி இசைவாணி ஆகியோா் மீது உரிய நடவடிக்கை எடுக்க வேண்டும் எனத் தெரிவித்துள்ளனா்.