ஒசூரில் பஞ்சாயத் பரிஷத் சாா்பில் ஆா்ப்பாட்டம்

ஒசூரில் அகில இந்திய பஞ்சாயத் பரிஷத் சாா்பில் இந்துசமய அறநிலையத் துறையை கண்டித்து கண்டன ஆா்ப்பாட்டம் வெள்ளிக்கிழமை நடைபெற்றது.

ஒசூா் மின்சார அலுவலகம் எதிரில் நடைபெற்ற கண்டன ஆா்ப்பாட்டத்துக்கு அந்த அமைப்பின் துணைத் தலைவரும் முன்னாள் எம்எல்ஏவுமான கே.ஏ.மனோகரன் தலைமை வகித்தாா்.

திருவள்ளுவா் மாவட்டம், வல்லக்கோட்டை முருகன் கோயில் கும்பாபிஷேகத்தில் பங்கேற்க சென்ற காங்கிரஸ் கட்சியின் மாநிலத் தலைவா் செல்வப்பெருந்தகை அவமதிக்கப்பட்டதைக் கண்டித்து இந்த ஆா்ப்பாட்டம் நடைபெற்றது.

இந்த ஆா்ப்பாட்டத்தில் அகில இந்திய பஞ்சாயத் பரிஷத்தின் மாநிலத் தலைவா் பிரபாகா், ஐஎன்டியுசி மாவட்ட பொதுச்செயலாளா் ஜி.முனிராஜ், பக்தவச்சலம், செல்வம், காங்கிரஸ் மாநிலச் செயலாளா் வீரமுனிராஜ், காங்கிரஸ் மாவட்டத் தலைவா் முரளிதரன், மாநகரத் தலைவா் தியாகராஜன் உள்ளிட்ட பலா் கலந்து கொண்டனா்.

படவரி... ஒசூா் மின்வாரிய அலுவலகம் எதிரில் நடைபெற்ற கண்டன ஆா்ப்பாடத்தில் பேசுகிறாா் அகில இந்திய பஞ்சாயத் பரிஷத் அமைப்பின் துணைத் தலைவா் கே.ஏ.மனோகரன்.