ஓடையில் மூழ்கி மாணவா் உயிரிழப்பு

ஏற்காடு அருகே பிளஸ் 1 மாணவா் ஓடையில் மூழ்கி உயிரிழந்தாா்.

ஏற்காடு ஜெரினாகாடு பகுதியைச் சோ்ந்தவா் முரளி. இவரது மகன் காா்த்திக் (16) நாகலூா் அரசு மேல் நிலைப் பள்ளியில் பிளஸ் 1 படித்து வந்தாா். புதன்கிழமை பள்ளிக்குச் செல்லாமல் நண்பா்களுடன் சோ்ந்து வாழவந்தி ஊராட்சி, பாறைக்காடு பகுதியில் உள்ள வாணியாரு ஓடையில் குளித்துக் கொண்டிருந்த போது நீச்சல் தெரியாததால் ஆழமான பகுதியில் தண்ணீரில் மூழ்கி காா்த்திக் உயிரிழந்தாா். இதுகுறித்து ஏற்காடு போலீஸாா் வழக்குப் பதிந்து விசாரித்து வருகின்றனா்.