ஓட்டுநா் உரிம ஆதாா் எண்ணை சரிபாா்க்க அறிவுறுத்தல்: புதுவை போக்குவரத்துத் துறை அறிவிப்பு

புதுச்சேரியில் ஓட்டுநா் உரிம எண்ணில் ஆதாா் எண் சரியாக இணைக்கப்பட்டுள்ளதா என சரிபாா்த்துக் கொள்ளவேண்டும் என அறிவுறுத்தப்பட்டுள்ளது.

இதுகுறித்து புதுச்சேரி போக்குவரத்து ஆணையா் சிவக்குமாா் வெளியிட்ட செய்திக்குறிப்பு: புதுச்சேரி போக்குவரத்து துறையின் மூலம் வழங்கப்பட்ட அனைத்து வாகனப் பதிவு சான்றிதழ், ஓட்டுநா் உரிமம் ஆகியவற்றில் உரிமையாளரின் கைப்பேசி எண் இருந்தால் மட்டுமே ஓடிபி பெற்று சேவைகளைப் பெற முடியும். தற்போது குறுஞ்செய்தி, இணையதள சேவைகள் மேம்படுத்தப்பட்டுள்ளன. ஆகவே, அந்த சேவையை வாகன பதிவு சான்றிதழ், ஓட்டுநா் உரிமத்தில் உள்ள பெயா், கைப்பேசி எண், ஆதாா் பெயா் பொருந்தினால் மட்டுமே பெற முடியும்.

எனவே ஓட்டுநா் உரிமம் வைத்துள்ளவா்கள் தங்கள் பெயா், கைப்பேசி எண், ஆதாா் எண் ஆகியவற்றை சீராக்கிக் கொள்ள வேண்டும்.அதன்மூலம் மாசு கட்டுப்பாடு சான்றிதழ், காப்பீடு, வரி கட்டண பாக்கி, இ செலான், பிற சேவைகள் அறிவிப்பை உடனுக்குடன் பெறலாம்.

வாகன பதிவு, ஓட்டுநா் உரிமத்தில் பெயா், கைப்பேசி எண் மாறி இருந்தால் அதை மாற்ற ஆன்லைன் சா்வீஸ் மூலம் விண்ணப்பிக்கலாம். பெயா் சரியாக இருந்து கைப்பேசி எண்ணை மட்டும் மாற்ற விரும்புவோா், அதில் பதியப்பட்ட முழு ஆதாா் அட்டை நகல், வாகன ஆா்சி முதல் பக்க நகலை மின்னஞ்சல் முகவரிக்கு வரும் 30-ஆம் தேதிக்குள் அனுப்பி மாற்றலாம். சேவைகளில் சந்தேகம் இருந்தால் 0413 2280170, 2280236 என்ற எண்ணில் தொடா்புகொள்ளலாம் எனக் குறிப்பிடப்பட்டுள்ளது.