ஓமலூா் மேம்பாலத்தில் தொடரும் விபத்துகள்!

ஓமலூா் ரயில் மேம்பாலம் தாா்சாலையாக மாற்றிய 7 மாதங்களில் 12-ஆவது முறையாக சனிக்கிழமை விபத்து நிகழ்ந்தது.

ஓமலூரில் உள்ள ரயில் மேம்பாலம் வழியாக மேட்டூா், மைசூரு, சங்ககிரி, ஈரோடு, கோவை ஆகிய பகுதிகளுக்கு வாகனங்கள் சென்று வருகின்றன. 20 ஆண்டுக்கு முன்பு கட்டிய இந்த பாலத்தில் கடந்த 7 மாதங்களாக தொடா்விபத்துகள் நிகழ்ந்து வருகின்றன.

இந்த பாலத்தின் கான்கிரீட் தளத்தில் தாா் ஊற்றி 7 மாதங்களுக்கு முன் தாா் சாலையாக அமைக்கப்பட்டது. இந்த 7 மாதங்களில் 12-ஆவது முறையாக விபத்து நிகழ்ந்துள்ளது. இதனால், பொதுமக்கள் பாதிக்கப்பட்டு வருகின்றனா்.

கா்நாடகத்தில் இருந்து கோவைக்கு பிஸ்கட் ஏற்றிச்சென்ற லாரி, ஓமலூா் ரயில் மேம்பாலத்தின் வளைவில் திரும்பியபோது சாலையில் கவிழ்ந்தது. இதில், லாரி ஓட்டுநா் விஜயகாந்த் காயமடைந்து ஓமலூா் அரசு மருத்துவமனையில் அனுமதிக்கப்பட்டாா். இந்த விபத்தால் 2 மணி நேரம் போக்குவரத்து பாதிக்கப்பட்டது.

மேம்பாலத்தில் தொடரும் விபத்தை தடுக்க அதிகாரிகள் குழு ஆய்வுநடத்திய பிறகும் விபத்துகள் தொடா்வதால், மக்கள் அதிா்ச்சி அடைந்துள்ளனா்.