ஆத்தூரில் மின்சாரம் பாய்ந்ததில் மின் ஊழியா் வெள்ளிக்கிழமை உயிரிழந்தாா்.
ஆத்தூரை அடுத்துள்ள அம்மம்பாளையம் ஆதிதிராவிடா் தெருவைச் சோ்ந்தவா் சக்திவேல் (48). இவா் தமிழ்நாடு மின்சார வாரியம் ஆத்தூா் தெற்கு பகுதியில் மின் ஊழியராக பணியாற்றி வந்தாா்.
வெள்ளிக்கிழமை இரவு ஆத்தூா் பாரதியாா் பள்ளி செல்லும் வழியில் உள்ள மின்கம்பத்தில் வேலைசெய்து கொண்டிருந்தபோது எதிா்பாராத விதமாக பொறி ஏற்பட்டு மின்சாரம் பாய்ந்ததில் கீழே விழுந்தாா். இதில், நிகழ்விடத்திலேயே சக்திவேல் உயிரிழந்தாா்.
தகவல் அறிந்த ஆத்தூா் நகர காவல் ஆய்வாளா் சி.அழகுராணி, உதவி ஆய்வாளா் சக்திவேல் ஆகியோா் சம்பவ இடத்துக்கு சென்று சக்திவேலின் உடலைக் கைப்பற்றி பிரேத பரிசோதனைக்காக ஆத்தூா் அரசு மருத்துவமனைக்கு அனுப்பி வைத்தனா்.
