செய்திகள் :

கடலூா் மாவட்ட அரசு மருத்துவக் கல்லூரிக்கு வெடிகுண்டு மிரட்டல்: போலீஸாா் சோதனை

post image

சிதம்பரம் அண்ணாமலைநகரில் செயல்படும் கடலூா் மாவட்ட அரசு மருத்துவக் கல்லூரிக்கு வியாழக்கிழமை காலை தொலைபேசி வாயிலாக மா்ம நபா் வெடிகுண்டு மிரட்டல் விடுத்தாா். இதையடுத்து, கல்லூரியில் வெடிகுண்டு சோதனை மற்றும் செயலிழப்பு நிபுணா்கள் 3 மணி நேரம் தீவிர சோதனை நடத்தினா்.

சிதம்பரம் அண்ணாமலைநகரில் கடலூா் மாவட்ட அரசு மருத்துவக் கல்லூரி செயல்பட்டு வருகிறது. இங்கு, பல் மருத்துவக் கல்லூரி தனியாகவும், மருத்துவக் கல்லூரி தனியாகவும் இயங்கி வருகின்றன. இரண்டு கல்லூரிகளிலும் ஆயிரக்கணக்கான இளநிலை, முதுநிலை மாணவ, மாணவிகள் படித்து வருகின்றனா். நூற்றுக்கணக்கான பேராசிரியா்கள், ஊழியா்கள் பணியாற்றி வருகின்றனா்.

வெடிகுண்டு மிரட்டல் விடுக்கப்பட்ட சிதம்பரம் அண்ணாமலைநகரில் செயல்படும் கடலூா் மாவட்ட அரசு மருத்துவக் கல்லூரி

இந்த நிலையில், மருத்துவக் கல்லூரி புல முதல்வா் அலுவலகத்தில் உள்ள தொலைபேசிக்கு வியாழக்கிழமை காலை தொடா்புகொண்ட மா்ம நபா், மருத்துவக் கல்லூரியில் வெடிகுண்டு உள்ளதாகக் கூறிவிட்டு தொலைபேசி அழைப்பை துண்டித்துவிட்டாா்.

இதையடுத்து, மருத்துவக் கல்லூரி முதல்வா் சி.திருப்பதி அளித்த தகவலின்பேரில், அங்கு வந்த அண்ணாமலை நகா் காவல் ஆய்வாளா் கே.அம்பேத்கா், உதவி ஆய்வாளா் பிரகாஷ் மற்றும் போலீஸாா் விசாரணை நடத்தினா்.

இதனிடையே, மருத்துவக் கல்லூரி மாணவா்கள் மற்றும் பல் மருத்துவ சிகிச்சைக்கு வந்த நோயாளிகள் மருத்துவக் கல்லூரியை விட்டு வெளியே வந்தனா்.

தொடா்ந்து, கடலூரில் இருந்து வெடிகுண்டு சோதனை மற்றும் செயலிழப்பு நிபுணா்கள் மோப்ப நாய்களுடன் வந்து மருத்துவக் கல்லூரி மற்றும் பல் மருத்துவக் கல்லூரியில் சோதனையிட்டனா். சுமாா் 3 மணி நேர சோதனைக்குப் பிறகு வெடிகுண்டு மிரட்டல் வெறும் புரளி என்பது தெரியவந்தது. வெடிகுண்டு மிரட்டல் விடுத்த நபா் யாா் என்பது குறித்து அண்ணாமலை நகா் போலீஸாா் விசாரணை நடத்தி வருகின்றனா்.

வேன் மோதி இளைஞா் மரணம்

கடலூா் மாவட்டம், சேத்தியாதோப்பு அருகே நடந்து சாலையைக் கடக்க முயன்ற இளைஞா் வேன் மோதி உயிரிழந்தாா். சேத்தியாதோப்பை அடுத்த நங்குடி கிராமத்தைச் சோ்ந்தவா் சத்திய பிரகாஷ் (25). சென்னையில் தனியாா் நிறுவனத்த... மேலும் பார்க்க

மின்சாரம் பாய்ந்து மாணவா் உயிரிழப்பு

கடலூா் மாவட்டம், பண்ருட்டி அருகே விநாயகா் சதுா்த்தி விழாவின்போது மின்சாரம் பாய்ந்து மாணவா் உயிரிழந்தாா்.பண்ருட்டி வட்டம், முத்தாண்டிக்குப்பம் காவல் சரகம், காட்டுக்கூடலூா் கிராமத்தைச் சோ்ந்தவா் அரசப்ப... மேலும் பார்க்க

கடன் பிரச்னையால் தொழிலாளி தற்கொலை

கடலூா் மாவட்டம், பண்ருட்டி அருகே கடன் பிரச்னையால் மதுவில் விஷம் கலந்து குடித்து தொழிலாளி தற்கொலை செய்துகொண்டாா்.பண்ருட்டி வட்டம், காடாம்புலியூா் காவல் சரகம், புதுப்பாளையம் கிராமத்தைச் சோ்ந்தவா் திரும... மேலும் பார்க்க

திருமண ஏக்கத்தில் விஷம் குடித்த இளைஞா் உயிரிழப்பு

கடலூா் மாவட்டம், விருத்தாசலம் அருகே திருமண ஏக்கத்தில் விஷம் குடித்த இளைஞா் வியாழக்கிழமை உயிரிழந்தாா். விருத்தாசலம் வட்டம், சின்ன வடவாடி கிராமத்தைச் சோ்ந்தவா் மணி மகன் வினோத் (36), சற்று மனநலம் பாதிக்... மேலும் பார்க்க

நாளைய மின்தடை: கடலூா் (செம்மண்டலம்), குறிஞ்சிப்பாடி

பகுதிகள்: காந்தி நகா், மஞ்சக்குப்பம், காமராஜ் நகா், வேணுகோபாலபுரம், குண்டு உப்பலவாடி, தாழங்குடா, பழைய மாவட்ட ஆட்சியா் அலுவலகம் சுற்றுப் பகுதிகள், செம்மண்டலம் தேவாலயம் சாலை, பெரிய கங்கணாங்குப்பம், உச்ச... மேலும் பார்க்க

என்எல்சி தலைவருக்கு ‘சிறந்த தலைமை நிா்வாக அதிகாரி’ விருது

என்எல்சி நிறுவன தலைவா் பிரசன்ன குமாா் மோட்டுபள்ளி ஆண்டின் சிறந்த ‘தலைமை நிா்வாக அதிகாரி’ விருதை பெற்றுள்ளாா். டாப் ரேங்கா்ஸ் மேனேஜ்மென்ட் கிளப் நடத்திய 25-ஆவது தேசிய மேலாண்மை உச்சி மாநாடு தில்லியில் க... மேலும் பார்க்க