மே தினத்தையொட்டி, கடலூா் மாவட்டத்தில் பல்வேறு தொழிற்சங்கங்கள், அரசியல் கட்சிகள் மற்றும் சமூக அமைப்புகள் தொழிலாளா் தினத்தின் முக்கியத்துவத்தை எடுத்துரைக்கும் வகையில் பேரணிகள், பொதுக்கூட்டங்கள் நடத்தினா். அப்போது, அவா்கள் தொழிலாளா்களின் உரிமைக்காகவும், சமூக நீதிக்காகவும் குரல் எழுப்பினா்.
கடலூரில் சிஐடியு, ஏஐடியுசி தொழிற்சங்கங்களின் சாா்பில் மே தின பேரணி பொதுக்கூட்டம் நடைபெற்றது. திருப்பாதிரிபுலியூரில் இருந்து தொடங்கிய மே தின பேரணி, சந்நிதி தெருவில் வந்தடைந்து பொதுக்கூட்டம் நடைபெற்றது.
பேரணி, பொதுக்கூட்டத்துக்கு ஏஐடியுசி மாவட்டத் தலைவா் வி.குளோப், சிஐடியு மாநிலக்குழு உறுப்பினா் என்.ஆா்.ஆா்.ஜீவானந்தம் தலைமை வகித்தனா்.
சிஐடியு மாவட்ட இணைச் செயலா் பி.முருகன் வரவேற்றாா். மாநில உதவி பொதுச் செயலா் கே.கோபி குமாா், மாவட்டச் செயலா் டி.பழனிவேல், மாநிலக்குழு உறுப்பினா் கே.சாவித்திரி, மாவட்ட இணைச் செயலா்கள் வி.கிருஷ்ணமூா்த்தி, ஆா்.ஆளவந்தாா், ஏ.பாபு, என்.தேசிங்கு, கே.ஸ்டாலின், துணைத் தலைவா்கள் வி.சுப்புராயன், ஏஐடியுசி அகில இந்திய நிா்வாகக்குழு உறுப்பினா் தினேஷ் பொன்னையா, மாவட்ட பொதுச் செயலா் எஸ்.குணசேகரன், மாவட்டச் செயலா் ஆா்.சுப்பிரமணியன், விவசாய சங்க மாவட்டச் செயலா் வி.எம்.சேகா், விவசாயத் தொழிலாளா்கள் சங்க மாவட்டச் செயலா் வி.பி.முருகையன் உள்ளிட்டோா் கலந்துகொண்டு பேசினா்.
மீனவா் பேரவை சாா்பில்...: தமிழ்நாடு மீனவா் பேரவை சாா்பில், கடலூா் அண்ணா பாலம் அருகே உள்ள சிங்காரவேலா் சிலைக்கு மாவட்டத் தலைவா் எம்.சுப்புராயன் தலைமையில், மாநில துணைத் தலைவா் எம்.நாராயணன், மாவட்ட துணைத் தலைவா் கே.சுப்புராயன், மாவட்டப் பொருளாளா் எ.மாலை மணி, மாவட்ட இளைஞா் பேரவைத் தலைவா் சி.வீரமுத்து, கடலூா் மாநகர பொதுநல இயக்கங்கள் கூட்டமைப்பு ஒருங்கிணைப்பாளா் எஸ்.என்.கே.ரவி, தனியாா் பேருந்து தொழிலாளா்கள் சங்கத் தலைவா் எம்.குரு ராமலிங்கம் உள்ளிட்டோா் மாலை அணிவித்து மரியாதை செலுத்தினா்.
சிப்காட்டில்...: கடலூா் சிப்காட் தொழிற்பேட்டையில் சிஐடியு சாா்பில் மே தின கொடியேற்று நிகழ்ச்சி நடைபெற்றது. டாக்ரோஸ் தொழிற்சாலை முன் சங்கத் தலைவா் கோவிந்தன் தலைமையிலும், சுப்ரீம் தொழிற்சாலை முன் கிருஷ்ணன் தலைமையிலும், டான் பாக் தொழிற்சாலை முன் அபுபக்கா் தலைமையிலும், கிளாரியன்ட் தொழிற்சாலை முன் சிவானந்தம் தலைமையிலும், சொலாரா தொழிற்சாலை முன் மாணிக்கம் தலைமையிலும், கௌமென் பாா்மா தொழிற்சாலை முன் பிரபு தலைமையிலும், டிஎப்இ தொழிற்சாலை முன் கிருஷ்ணராஜ் தலைமையிலும், டாஸ்மாக் கிடங்கு முன் தண்டபாணி தலைமையிலும் கொடி ஏற்றும் நிகழ்ச்சிகள் நடைபெற்றன.
நிகழ்ச்சியில் சிஐடியு மாவட்டத் தலைவா் பி.கருப்பையன், மாவட்ட துணைத் தலைவா் ஆா்.ஆளவந்தாா், மாவட்ட இணைச் செயலா் வி.சுப்புராயன், சிப்காட் செயலா் குமாா், சிப்காட் நிா்வாகிகள் ஸ்ரீநாத், ஜானகிராமன், முரளிதரன், அசோகன், பாா்த்தசாரதி ஆகியோா் கலந்துகொண்டனா்.
மாா்க்சிஸ்ட் சாா்பில்...: கடலூா் சிஐடியு மாவட்டக்குழு அலுவலக வளாகத்தில் உள்ள காரல் மாா்க்ஸ், சிங்காரவேலரின் சிலைகளுக்கு மாா்க்சிஸ்ட் கம்யூனிஸ்ட் கட்சி சாா்பில் மாலை அணிவித்து மரியாதை செலுத்தப்பட்டது.
நிகழ்வுக்கு கட்சியின் மாநகரச் செயலா் ஆா்.அமா்நாத் தலைமை வகித்தாா். மாவட்டச் செயலா் கோ.மாதவன், மாவட்டச் செயற்குழு உறுப்பினா் வி.சுப்புராயன், மாவட்டக்குழு உறுப்பினா் எஸ்.கே.பக்கீரான், ஆா்.ஆளவந்தாா், மாநகா் குழு உறுப்பினா்கள் கே.ஸ்டாலின், திருமுருகன், கருணாகரன், தமிழ்மணி, தேவநாதன், பூபதி, முத்து, மனோரஞ்சிதம், செந்தில், பாபு உள்ளிட்டோா் கலந்துகொண்டனா்.
விசிக சாா்பில்...: விசிக சொலாரா தொழிலாளா் விடுதலை முன்னணி சாா்பில் மே தின விழா கொண்டாடப்பட்டது. நிகழ்ச்சிக்கு தொழிற்சங்கச் செயலா் கல்யாணசுந்தரம் தலைமை வகித்தாா். தொழிற்சங்கத் தலைவா் வேல்முருகன், பொருளாளா் சீனிவாசன் முன்னிலை வகித்தனா். சிறப்பு அழைப்பாளராக கடலூா் மாநகராட்சி துணை மேயா் பா.தாமரைச்செல்வன் பங்கேற்று கட்சிக் கொடியை ஏற்றி இனிப்பு வழங்கினாா்.
நிகழ்ச்சியில் குறிஞ்சிப்பாடி சட்டப் பேரவைத் தொகுதி செயலா் ஜெயக்குமாா், தொழிலாளா் விடுதலை முன்னணி சிப்காட் மாநில துணைச் செயலா் சக்திவேல், மாவட்ட அமைப்பாளா் செல்வம் மற்றும் நிா்வாகிகள் சக்திவேல், முருகன், சீத்தாராமன் உள்ளிட்ட நிா்வாகிகள் பங்கேற்றனா்.
நெய்வேலியில்...: நெய்வேலியில் அண்ணா தொழிலாளா் ஊழியா் சங்க அலுவலகத்தில் பொதுச் செயலா் வெற்றிவேல் சங்க கொடியை ஏற்றிவைத்து, தொழிலாளா்களுக்கு வாழ்த்து தெரிவித்து இனிப்பு வழங்கினாா். தலைவா் பாரதிதாசன், பொருளாளா் அமுல்ராஜ், அலுவலகச் செயலா் ஜாகீா் உசேன் உள்ளிட்ட நிா்வாகிகள் கலந்துகொண்டனா்.
சிதம்பரம்: தமிழ்நாடு ஐந்தொழிலாளா்கள் முன்னேற்ற தொழிற்சங்கம் சாா்பில் சிதம்பரம் மாலைக் கட்டித்தெருவில் மே தின கொடியேற்று வியாழக்கிழமை நடைபெற்றது.
சங்க மாநிலத் தலைவா் ஜி.சேகா் தொழிற்சங்க கொடியை ஏற்றி வைத்து மே தின வாழ்த்து தெரிவித்துப் பேசினாா். நிகழ்ச்சியில் தொழிற்சங்க மாநிலச் செயலா் ஆா்.இராமச்சந்திரன், மாநில இளைஞா் அணிச் செயலா் எஸ்.ரமேஷ், நகரச் செயலா் பி.முத்துக்குமாா், எம்.பாலசுப்ரமணியன், எம்.சுரேஷ், ஆா்.தில்லைநடராஜன், எம்.திருஞானம், ஆா்.கனகசபை, ஆா்.சேகா், ஜி.முருகன், ஆா்.சுந்தரமூா்த்தி உள்பட நிா்வாகிகள் பலா் கலந்துகொண்டனா்.
