கனிம வள குவாரிகளில் முறைகேடு: சிவகங்கை ஆட்சியா் பதிலளிக்க உத்தரவு!

சிவகங்கை மாவட்டத்தில் உள்ள கனிம வள குவாரிகளில் நடைபெறும் முறைகேடுகளைத் தடுக்கக் கோரிய வழக்கில், அந்த மாவட்ட ஆட்சியா், கனிம வள இயக்குநா் பதில் அளிக்க சென்னை உயா்நீதிமன்ற மதுரை அமா்வு வெள்ளிக்கிழமை உத்தரவிட்டது.

சிவகங்கை மாவட்டத்தைச் சோ்ந்த கந்தசாமி, சென்னை உயா்நீதிமன்ற மதுரை அமா்வில்தாக்கல் செய்த பொது நல மனு: சிவகங்கை மாவட்டத்தில் 20-க்கும் அதிகமான கல், மணல் குவாரிகள் உள்ளன. இந்தக் குவாரிகளில் அரசு நிா்ணயித்த தொகையை விடக் கூடுதலான விலைக்கு மணல், கல் விற்கப்படுகிறது. மேலும், அனுமதிக்கப்பட்ட அளவுக்கும் அதிகமாக கனிம வளங்கள் வெட்டி எடுக்கப்படுகின்றன.

ஒரு முறை மட்டுமே பயன்படுத்த வேண்டிய வாகன அனுமதியும் இங்கு பல முறை பயன்படுத்தப்படுகிறது. இவற்றால் அரசுக்கு மிகப் பெரிய அளவில் வருவாய் இழப்பு ஏற்படுகிறது. இது குறித்து, தொடா்புடைய அலுவலா்களிடம் புகாா் அளித்தும் எந்த நடவடிக்கையும் எடுக்கப்படவில்லை.

எனவே, சிவகங்கை மாவட்டத்தில் கனிம வள முறைகேட்டில் ஈடுபடுவோா் மீது நடவடிக்கை எடுக்க உத்தரவிட வேண்டும் என அவா் கோரியிருந்தாா்.

இந்த மனு உயா்நீதிமன்ற நீதிபதிகள் எஸ்.எம் சுப்பிரமணியம், அருள் முருகன் ஆகியோா் அமா்வில் விசாரணைக்கு வந்தது. அப்போது நீதிபதிகள் பிறப்பித்த உத்தரவு:

மனுதாரரின் புகாா் குறித்து கனிம வளத் துறை இயக்குநா், சிவகங்கை மாவட்ட ஆட்சியா் தரப்பில் பதில் மனு தாக்கல் செய்ய வேண்டும். வழக்கு விசாரணை ஒத்திவைக்கப்படுகிறது என்றனா்.