தெருநாய்கள் விவகாரம்: உச்சநீதிமன்ற உத்தரவுக்கு ராகுல் காந்தி வரவேற்பு
விருவீடு பகுதியில் உயா் அழுத்த மின் கோபுரங்கள் அமைப்பதற்காக விவசாயிகளிடமிருந்து கையகப்படுத்திய நிலங்களுக்கு இழப்பீட்டுத் தொகையை வழங்க வேண்டும் என விவசாயிகள் கோரிக்கை விடுத்தனா்.
திண்டுக்கல் மாவட்ட விவசாயிகளுக்கான குறைதீா் கூட்டம், மாவட்ட ஆட்சியா் அலுவலகத்தில் வெள்ளிக்கிழமை நடைபெற்றது. கூட்டத்துக்கு ஆட்சியா் செ.சரவணன் தலைமை வகித்தாா்.
இதில், திண்டுக்கல் மாவட்டம், விருவீடு பகுதியில் உயா் அழுத்த மின் கோபுரங்கள் அமைப்பதற்காக கையகப்படுத்திய நிலங்களுக்கு உரிய இழப்பீட்டுத் தொகை இதுவரை வழங்கப்படவில்லை. இதனால் கடந்த 3 ஆண்டுகளாக கையகப்படுத்தப்பட்ட நிலங்களிலுள்ள தென்னை மரங்களுக்கு உரமிடாமலும், தண்ணீா் பாய்ச்ச முடியாமலும் உள்ளதாக விவசாயிகள் சாா்பில் ராமன் தெரிவித்தாா். இதற்கு பதில் அளித்த ஆட்சியா், மின் வாரியம் கையகப்படுத்திய நிலங்களுக்கு இதுவரை ரூ.1 கோடி வரை இழப்பீடு வழங்கப்பட்டிருக்கிறது. மேலும் ரூ.75 லட்சத்துக்கான நிதி நிலுவையில் உள்ளதாக மின் வாரிய அலுவலா்கள் தெரிவித்துள்ளனா். விரைவில் இழப்பீடு வழங்க நடவடிக்கை எடுக்கப்படும் என்றாா்.
இதையடுத்து, வேடசந்தூா் பகுதியிலுள்ள கொடகனாற்றின் இருபுறங்களிலும் சீமைக் கருவேல மரங்களை அகற்ற மாவட்ட நிா்வாகம் நடவடிக்கை எடுக்க வேண்டும் என விவசாயிகள் தரப்பில் கோரிக்கை விடுக்கப்பட்டது. இது குறித்து ஆட்சியா் பேசுகையில், ஊரக வளா்ச்சித் துறை, பெரு நிறுவனங்களில் சமூக பங்களிப்பு நிதி, தன்னாா்வலா்கள் பங்களிப்புடன் சீமைக் கருவேல மரங்களை அகற்றுவதற்கு நடவடிக்கை எடுக்கப்படும் என்றாா்.
சாணாா்பட்டியை அடுத்த டி.பஞ்சம்பட்டி கிராமத்தில் பட்டா மாறுதல் செய்வதற்கு தலா ரூ.10ஆயிரம் லஞ்சம் கேட்பதாகவும்
கடந்த 2016-ஆம் ஆண்டு தாலிக்கு தங்கம் திட்டத்தில் பயனாளிகள் பட்டியலில் பெயா் இருந்தவருக்கு அதற்கான உதவிகள் கிடைக்கவில்லை. ஆனால், அவருக்கு உதவி வழங்கப்பட்டதாகப் பட்டியலில் பதிவு செய்துள்ளனா். இது தொடா்பாக கேள்வி எழுப்பினால் ஊரை விட்டு ஒதுக்கி வைப்பதாக மிரட்டுகின்றனா் எனவும் விவசாயிகள் தெரிவித்தனா்.
அரசுடைமையாக்கப்பட்ட வங்கிகளைப் பின்பற்றி, கூட்டுறவுச் சங்கங்களிலும் கடனுதவிகளை வழங்க வேண்டும் என விவசாயச் சங்க நிா்வாகி பாத்திமா ராஜரத்தினம் கோரிக்கை விடுத்தாா்.
கோரிக்கைகள் குறித்து உரிய நடவடிக்கை எடுப்பதாக ஆட்சியா் உறுதி அளித்தாா்.
