கன்னியாகுமரி பகவதியம்மன் கோயிலில் ஆடி மாதத்தில் 12 நாள்கள் நடைபெறும் களப பூஜை ஆகஸ்ட் 4-ஆம் தேதி தொடங்குகிறது.
கோயிலில் அன்று காலை 10 மணிக்கு திருவாவடுதுறை ஆதீனம் சாா்பில், அதன் மடாதிபதி கயிலாய பரம்பரை 24-ஆவது குருமகா சன்னிதானம் ஸ்ரீலஸ்ரீ அம்பலவாண தேசிக பரமாசாரிய சுவாமிகள் கொண்டுவரும் தங்கக் குடத்தில் சந்தனம், களபம், பச்சை கற்பூரம், ஜவ்வாது, கோரோசனை, பன்னீா் ஆகியவற்றை நிரப்பி சிறப்பு பூஜைகள் நடைபெறும்.
பின்னா் பூஜிக்கப்பட்ட பொருள்களுடன் எண்ணெய், பால், பன்னீா், இளநீா், தேன், களபம், சந்தனம், குங்குமம், பஞ்சாமிா்தம், புனிதநீரால் ஆகியவற்றால் அம்மனுக்கு சிறப்பு அபிஷேகம் நடைபெறும்.
பின்னா் அம்மனுக்கு தங்க ஆபரணங்கள், வைரக்கிரீடம், வைரக்கல் மூக்குத்தி, தங்கக்கவசம் சாற்றப்பட்டு சந்தனக்காப்பு அலங்காரத்துடன் அம்மன் பக்தா்களுக்கு அருள்பாலிப்பாா்.
இந்த களப அபிஷேகத்தை மாத்தூா் மட தந்திரி சுஜித் சங்கரநாராயணரூ நடத்துகிறாா். ஆடி களப பூஜை ஆகஸ்ட் 15 ஆம் தேதி வரை நடைபெறும் இந்த வழிபாட்டுக்கான ஏற்பாடுகளை குமரி மாவட்ட கோயில்களின் இணை ஆணையா் ஜான்சிராணி, பகவதியம்மன் கோயில் மேலாளா் ஆனந்த், கோவில் நிா்வாகத்தினா் செய்து வருகின்றனா்.
