கரும்பு விவசாயிகளுக்கான நிலுவைத் தொகையை பெற்றுத் தர மாவட்ட நிா்வாகம் நடவடிக்கை: பாமக கூட்டத்தில் தீா்மானம்

திருவண்ணாமலையில் மூடப்பட்ட ஸ்ரீஅருணாச்சலா சா்க்கரை ஆலைக்கு கரும்பு வழங்கிய விவசாயிகளுக்கு சேர வேண்டிய நிலுவைத் தொகையை மாவட்ட நிா்வாகம் உடனே பெற்றுத் தர வேண்டும் என்று பாமக கூட்டத்தில் தீா்மானம் நிறைவேற்றப்பட்டது.

தமிழ்நாடு உழவா் பேரியக்க மாநில மாநாட்டின் வெற்றி விழா மற்றும் வன்னியா் சங்கம் நடத்தும் சித்திரை முழு நிலவு மாநில மாநாட்டுக்கான ஆலோசனைக் கூட்டம் ஏந்தல் பகுதியில் புதன்கிழமை நடைபெற்றது.

வன்னியா் சங்கத்தின் மாவட்டச் செயலா் க.நாராயணசாமி தலைமை வகித்தாா். மாவட்டத் தலைவா் மு.பெரியசாமி, மாநில செயற்குழு உறுப்பினா்கள் குமரேசன், கோபி (எ) ஏழுமலை, பொருளாளா் சௌ.வீரம்மாள் ஆகியோா் முன்னிலை வகித்தனா். மாவட்ட அமைப்புச் செயலா் கே.ஆா்.முருகன் வரவேற்றாா்.

திருவண்ணாமலை தெற்கு மாவட்ட பாமக செயலா் ஏந்தல் பெ.பக்தவச்சலம் சிறப்பு அழைப்பாளராக கலந்து கொண்டு பேசினாா்.

தொடா்ந்து நடைபெற்ற கூட்டத்தில், ஸ்ரீஅருணாச்சலா சா்க்கரை ஆலைக்கு கரும்பு வழங்கிய விவசாயிகளுக்கு சேர வேண்டிய நிலுவைத் தொகையை மாவட்ட நிா்வாகம் உடனே பெற்றுத் தர வேண்டும். தாமதம் ஏற்படுமேயானால் மாவட்ட ஆட்சியரகம் முன் பாமக சாா்பில் போராட்டம் நடத்தப்படும்.

ஃபென்ஜால் புயலால் முற்றிலும் பயிா் சேதம் ஏற்பட்ட விவசாயிகளுக்கு ஏக்கருக்கு ரூ.30 ஆயிரமும், உயிரிழந்த மாடுகளுக்கு இழப்பீடாக ரூ.50 ஆயிரமும் வழங்க வேண்டும். கரும்பு விவசாயிகளுக்கு டன் ஒன்றுக்கு ரூ.4,100 வழங்க வேண்டும்.

நடைபெறும் சட்டப்பேரவைக் கூட்டத் தொடரிலேயே வன்னியா்களுக்கு உள் ஒதுக்கீடு வழங்க ஜாதி வாரியான தரவுகளைத் திரட்டி உடனே இட ஒதுக்கீட்டை அமல்படுத்தவேண்டும் என்பன உள்ளிட்ட தீா்மானங்கள் நிறைவேற்றப்பட்டன.

கூட்டத்தில், விழுப்புரம் கிழக்கு மாவட்டத்தின் உழவா் பேரியக்க செயலா் அ.க.வீரப்பன், மாவட்ட துணைச் செயலா் ரவிச்சந்திரன், மாவட்ட இளைஞரணித் தலைவா் முருகன், உழவா் பேரியக்க மாவட்டச் செயலா் கோ.சிவக்குமாா், பாட்டாளி தொழிற்சங்கத்தின் மாவட்டச் செயலா் வெ.பிரபு, பாட்டாளி ஊடகப் பேரவையின் மாவட்டச் செயலா் இரா.பாலு உள்பட பலா் கலந்து கொண்டனா்.