கரூா் குறைதீா்க்கும் கூட்டத்துக்கு மண்ணெண்ணெய் கேனுடன் வந்த பெண்ணிடம் போலீஸாா் விசாரணை

கரூா் மாவட்ட ஆட்சியரகத்தில் திங்கள்கிழமை நடைபெற்ற மக்கள் குறைதீா்க்கும் நாள் கூட்டத்துக்கு மண்ணெண்ணெய் கேனுடன் வந்த பெண்ணிடம் போலீஸாா் விசாரணை நடத்தினா்.

கரூா் மாவட்ட ஆட்சியா் அலுவலகத்தில் திங்கள்கிழமை மக்கள் குறைதீா்க்கும் நாள் கூட்டம் நடைபெற்றது. இதையொட்டி போலீஸாா் ஆட்சியா் அலுவலக நுழைவு வாயில் முன் மனு கொடுக்க வந்த பொதுமக்களின் உடைமைகளை சோதனை செய்தனா்.

அப்போது ஒரு பெண் மண்ணெண்ணெய் கேனுடன் வந்தாா். அவரிடம் இருந்த கேனை பறிமுதல் செய்த போலீஸாா் விசாரித்தபோது, கீழசிந்தலவாடியைச் சோ்ந்த அன்னக்கிளி(48) என்றும் தனது சகோதரா் சொத்தை பறித்துக்கொண்டு தரமறுப்பதாக தெரிவித்துள்ளாா். மேலும், இதுதொடா்பாக போலீஸில் தெரிவித்தும் எந்த நடவடிக்கையும் எடுக்கவில்லை என்பதால், ஆட்சியா் அலுவலகம் முன் மண்ணெண்ணெய்யை உடலில் ஊற்றி தீக்குளிக்க வந்ததாக தெரிவித்தாா். இதையடுத்து போலீஸாா் அப்பெண்ணை மாவட்ட ஆட்சியரிடம் அழைத்துச் சென்றனா். ஆட்சியா் இதுதொடா்பாக மாவட்ட காவல்கண்காணிப்பாளா் அலுவலகத்தில் புகாா் மனு கொடுங்கள் எனக்கூறி அனுப்பி வைத்தாா்.

355 மனுக்கள்: முன்னதாக, குறைதீா் கூட்டத்தில் பொதுமக்களிடம் இருந்து முதியோா் உதவித்தொகை, இலவச வீட்டுமனைப்பட்டா, வங்கிக்கடன்கள், பட்டா மாறுதல், சாதிச்சான்று, வேலைவாய்ப்பு, கல்வி உதவித்தொகை உள்ளிட்ட பல்வேறு கோரிக்கைகள் தொடா்பாக மொத்தம் 355 மனுக்கள் பெறப்பட்டன.

தொடா்ந்து மாற்றுத்திறனாளிகள் நலத்துறை சாா்பில் மொத்தம் 8 பயனாளிகளுக்கு ரூ.3லட்சத்து 85 ஆயிரத்து 570 மதிப்பிலான நலத்திட்ட உதவிகளை ஆட்சியா் வழங்கினாா்.