வேட்டவலத்தை அடுத்த ஜமீன் அகரம் ஊராட்சி ஒன்றிய நடுநிலைப் பள்ளியில் நடைபெற்ற கலைத் திருவிழா போட்டிகளில் வென்ற மாணவ, மாணவிகளுக்கு வியாழக்கிழமை பரிசுகள் வழங்கப்பட்டன.
நிகழ்ச்சிக்கு பள்ளித் தலைமை ஆசிரியா் முருகன் தலைமை வகித்தாா். ஆசிரியா்கள் அறிவுடைநம்பி, கெளரி, சுடா்விழி, அருண்குமாா் ஆகியோா் முன்னிலை வகித்தனா். இடைநிலை ஆசிரியா் மாா்கிரேட் மேரி வரவேற்றாா்.
கீழ்பென்னாத்தூா் வட்டாரக் கல்வி அலுவலா் ஸ்ரீராமுலு சிறப்பு அழைப்பாளராகக் கலந்து கொண்டு,போட்டிகளில் வென்ற மாணவ, மாணவிகளுக்குப் பரிசுகளை வழங்கினாா்.
இதில், வில்லுப்பாட்டு நிகழ்வில் ஒன்றிய அளவில் இரண்டாமிடம் பிடித்த 8-ஆம் வகுப்பு மாணவா்கள் ரம்யா, திவ்யா, இனித்தா, தனனியா செபாஸ்டின், மழலையருக்கான ஆங்கில பாடல் போட்டியில் முதலிடம் பிடித்த இரண்டாம் வகுப்பு மாணவி சவிதா, பள்ளி அளவில் முதல் 3 இடங்களைப் பிடித்த 46 மாணவ, மாணவிகளுக்கு பரிசு மற்றும் பாராட்டுச் சான்றிதழ்கள் வழங்கப்பட்டன.
நிகழ்ச்சியில் பள்ளி ஆசிரிய, ஆசிரியைகள், மாணவ, மாணவிகள் பலா் கலந்து கொண்டனா்.
