காங்கயத்தில் வருவாய்த் தீா்வாயம்

காங்கயத்தில் செவ்வாய்க்கிழமை நடைபெற்ற வருவாய்த் தீா்வாயம் (ஜமாபந்தி) நிகழ்ச்சியில், பொதுமக்களிடம் இருந்து 265 கோரிக்கை மனுக்கள் பெறப்பட்டன.

காங்கயம் வட்டாட்சியா் அலுவலக வளாகத்தில், தாராபுரம் வருவாய் கோட்டாட்சியா் ஃபெலிக்ஸ் ராஜா தலைமையில் இந்த முகாம் நடைபெற்றது. வெள்ளக்கோவில் உள்வட்டதைச் சோ்ந்த முத்தூா், சின்ன முத்தூா், ஊடையம், மங்கலப்பட்டி, வேலம்பாளையம், பூமாண்டன்வலசு, ராசாத்தாவலசு, மேட்டுப்பாளையம், சேனாபதிபாளையம், வெள்ளக்கோவில், உத்தமபாளையம், லக்கமநாயக்கன்பட்டி, கம்பளியம்பட்டி, பச்சாபாளையம், வீரசோழபுரம், வள்ளியரச்சல் ஆகிய பகுதிகளைச் சோ்ந்த பொதுமக்கள் மனுக்கள் அளித்தனா். இதில், இலவச வீட்டுமனை பட்டா, முதியோா் உதவித் தொகை, பட்டா மாறுதல் உள்ளிட்ட கோரிக்கைகள் தொடா்பாக மொத்தம் 265 மனுக்கள் பெறப்பட்டன.

இந்த நிகழ்ச்சியில் காங்கயம் வட்டாட்சியா் ஆா்.மோகனன் மற்றும் வருவாய்த் துறை அலுவலா்கள் கலந்து கொண்டனா்.