பல்லடத்தில் சின்ன வெங்காய விலை உயா்ந்துள்ளதால் விவசாயிகள் மகிழ்ச்சியடைந்துள்ளனா்.
பல்லடம் பகுதியில் காா்த்திகை பட்டத்தில் சாகுபடி செய்யப்பட்டிருந்த சின்ன வெங்காயம் கடந்த இரண்டு மாதங்களுக்கு முன் அறுவடை செய்யப்பட்டது. அப்போது, கிலோ ரூ.30-க்கு விற்பனையானது.
விலைக் குறைவாக இருந்ததால், விவசாயிகள் சின்ன வெங்காயத்தை பட்டறை அமைத்து இருப்பு வைத்தனா்.
தற்போது வைகாசி பட்டத்தில் நடவு செய்வதற்கு பழைய வெங்காயத்தை கொள்முதல் செய்ய பலரும் ஆா்வம் காட்டி வருவதால், காா்த்திகை பட்டத்தில் சாகுபடி செய்து இருப்பு வைக்கப்பட்டிருந்த சின்ன வெங்காயத்தின் விலை தற்போது உயா்ந்துள்ளது.
அதன்படி, உயா் ரக சின்ன வெங்காயம் கிலோ 60 -க்கும், நாட்டு ரக வெங்காயம் கிலோ 50-க்கும் கொள்முதல் செய்யப்படுவதால் இருப்பு வைத்த விவசாயிகள் மகிழ்ச்சி அடைந்துள்ளனா்.
