தொழிலாளியிடம் கைப்பேசி பறித்த இளைஞா் கைது

திருப்பூரில் வடமாநிலத் தொழிலாளியிடம் கைப்பேசியைப் பறித்த இளைஞரை போலீஸாா் வெள்ளிக்கிழமை கைது செய்தனா்.

பிகாா் மாநிலத்தைச் சோ்ந்தவா் தா்மேந்திர பிரதாப் (25). இவா் திருப்பூரை அடுத்த கணியாம்பூண்டி பகுதியில் உள்ள பின்னலாடை நிறுவனத்தில் தொழிலாளியாகப் பணியாற்றி வருகிறாா்.

இந்நிலையில், அதே பகுதியில் உள்ள மதுபானக் கடையில் தா்மேந்திர பிரதாப் கடந்த சில மாதங்களுக்கு முன் மது அருந்தியுள்ளாா். அப்போது, அங்கு வந்த இளைஞா், அவரிடம் இருந்து கைப்பேசியைப் பறித்துக் கொண்டு தப்பினாா்.

இது குறித்து தா்மேந்திர பிரதாப் அளித்த புகாரின்பேரில் திருமுருகன்பூண்டி போலீஸாா் வழக்குப் பதிவு செய்து விசாரணை நடத்தி வந்தனா்.

இந்நிலையில், கைப்பேசி பறிப்பில் ஈடுபட்ட ஈரோடு மாவட்டம், பவானி சாகரைச் சோ்ந்த கவியரசு (26) என்பவரை போலீஸாா் வெள்ளிக்கிழமை கைது செய்தனா்.

இவா் மீது ஏற்கெனவே பல்வேறு வழக்குகள் நிலுவையில் உள்ளதும், தேடப்படும் குற்றவாளி என்பதும் விசாரணையில் தெரியவந்ததாக போலீஸாா் தெரிவித்தனா்.