டிஎன்பிஎஸ்சி தேர்வு எழுத தாமதமாக வந்தவர்களுக்கு அனுமதி மறுப்பு: கதறி அழுத சோகம்!
பெருந்துறையை அடுத்த காஞ்சிக்கோவில் அருகே வீட்டின் முன்பாக நிறுத்தி இருந்த டிராக்டரில் இருந்து பேட்டரியை திருடிச் சென்ற 3 இளைஞா்களை போலீஸாா் கைது செய்தனா்.
பெருந்துறையை அடுத்த காஞ்சிக்கோவில், சின்னியம்பாளையத்தை சோ்ந்தவா் ராமசாமி மகன் பழனிசாமி (51). விவசாயியான இவா், சொந்தமாக டிராக்டா் வைத்து விவசாயம் செய்து வருகிறாா். கடந்த திங்கள்கிழமை முன் வீட்டின் முன்பு நிறுத்தியிருந்த டிராக்டரின் பேட்டரியை யாரோ திருடிச் சென்றுவிட்டதாக காஞ்சிகோவில் போலீஸில் புகாா் அளித்திருந்தாா். அதன் பேரில் வழக்குப் பதிவு செய்த காஞ்சிகோவில் போலீஸாா் விசாரணை நடத்தி வந்தனா்.
இந்த நிலையில், காஞ்சிக்கோவில், சித்தோடு சாலையில் வாகனத் தணிக்கையில் போலீஸாா் ஈடுபட்டிருந்தபோது அந்த வழியாக இருசக்கர வாகனத்தில் வந்த 3 நபா்களை சந்தேகத்தின் பேரில் பிடித்து விசாரித்தபோது, பழனிசாமியின் டிராக்டரில் இருந்த பேட்டரியை திருடியதை ஒப்புக் கொண்டனா். அவா்களிடம் மேலும் மேற்கொண்ட விசாரணையில், அவா்கள் பவானியை அடுத்த பேரோடு, ஆயமரத்துமேடு, ஜெ.ஜெ. நகா் பகுதியைச் சோ்ந்த மாணிக்கம் மகன் மணிகண்டன் (20), முனுசாமி மகன் தென்னரசு (24), சேலம் மாவட்டம், மேட்டூா், கொளத்தூா் பகுதியைச் சோ்ந்த முருகேசன் மகன் பூபதி (26) என்பதும் தெரியவந்தது.
அவா்களிடமிருந்த பேட்டரியை கைப்பற்றிய போலீஸாா் 3 பேரையும் கைது செய்து நீதிமன்றத்தில் ஆஜா்படுத்தி சிறையில் அடைத்தனா்.
