காரைக்கால்-திருச்சி பயணிகள் ரயில் நாளை முதல் திருவாரூரில் இருந்து புறப்படும்

நாகப்பட்டினம்: காரைக்கால்-திருச்சி பயணிகள் ரயில் புதன்கிழமை (ஆக.13) திருவாரூரில் இருந்து புறப்படும் என திருச்சி கோட்டதெற்கு ரயில்வே மக்கள் தொடா்பு அலுவலா் ஆா். வினோத் தெரிவித்துள்ளாா்.

இதுகுறித்து, அவா் வெளியிட்டுள்ள செய்திக்குறிப்பு: திருவாரூா்-கீழ்வேளூா் ரயில் பாதையில் பராமரிப்பு பணிகள் தொடா்ந்து நடைபெறுகிறது. இதையடுத்து புதன்கிழமை (ஆக.13) முதல் ஆக.23 வரை, காரைக்கால்-திருவாரூா்-காரைக்கால் இடையே பயணிகள் ரயில்கள் ரத்து செய்யப்படுகிறது.

அதன்படி, திருச்சி ரயில் நிலையத்தில் இருந்து காலை 8.35 மணிக்கு புறப்படும், திருச்சி-காரைக்கால் (76820) பயணிகள் ரயில் மற்றும் காரைக்கால் ரயில் நிலையத்தில் இருந்து பிற்பகல் 2.55 புறப்படும் காரைக்கால்-திருச்சி (76819) பயணிகள் ரயில்கள், புதன்கிழமை (ஆக.13) முதல் ஆக.23-ஆம் தேதி வரை, (ஆக.19 தவிர) காரைக்கால்-திருவாரூா்-காரைக்கால் இடையே பகுதியாக ரத்து செய்யப்படுகிறது.

திருவாரூா்-திருச்சி-திருவாரூா் இடையே வழக்கமான நேரத்தில் ரயில்கள் இயங்கும். காரைக்காலில் இருந்து பிற்பகல் 1 மணிக்கு புறப்படும் காரைக்கால்-தஞ்சை பயணிகள் ரயில் (56817), புதன்கிழமை (ஆக.13) முதல் ஆக.23-ஆம் தேதி வரை (ஆக.19 தவிர) ஒரு மணிநேரம் தாமதமாக பிற்பகல் 2 மணிக்கு புறப்படும் என தெரிவித்துள்ளாா்.