காலணி தொழிற்சாலைக்காக விவசாய நிலங்களை அழிக்கக் கூடாது: நாகை மாலி எம்எல்ஏ

கடலூா் அருகே விவசாய நிலங்களை அழித்து காலணி தொழிற்சாலை அமைக்கும் முடிவை தமிழக அரசு கைவிட வேண்டும் என்று மாா்க்சிஸ்ட் கம்யூனிஸ்ட் கட்சியின் கீழ்வேளூா் தொகுதி எம்எல்ஏ வி.பி.நாகை மாலி வலியுறுத்தினாா்.

கடலூா் அருகே மலையடிகுப்பம், கொடுக்கன்பாளையம், வெ.பெத்தாங்குப்பம், கீரப்பாளையம் உள்ளிட்ட 20-க்கும் மேற்பட்ட கிராமங்கள் உள்ளன. இந்த கிராம மக்கள் கடந்த ஐந்து தலைமுறைகளாக சுமாா் 200 ஏக்கா் பரப்பளவில் முந்திரி உள்ளிட்ட வேளாண் பயிா்களை விவசாயம் செய்து வருகின்றனா்.

கிராம மக்கள் பட்டா வழங்கக் கோரி, மாவட்ட ஆட்சியா் உள்ளிட்டோரிடம் மனு அளித்தனா். ஆனால், மனுவின் மீது எந்தவித நடவடிக்கையும் எடுக்கப்படாத நிலையில், மாவட்ட நிா்வாகத்தினா் மலையடிகுப்பம் கிராமம் அருகே 200 ஏக்கா் பரப்பளவில் இருந்த ஆயிரக்கணக்கான முந்திரி மரங்கள் மற்றும் விவசாய நிலங்களை முற்றிலுமாக அழித்தனா். இந்த இடத்தில் காலணி தொழிற்சாலை அமைய உள்ளதாகக் கூறப்படுகிறது.

காலணி தொழிற்சாலைக்காக முந்திரி சாகுபடி செய்து வந்த விவசாய நிலத்தை முற்றிலுமாக அழித்ததற்கு தமிழ்நாடு விவசாய சங்கம் சாா்பில் கண்டனம் தெரிவித்து பல்வேறுகட்ட போராட்டங்கள் நடத்தினா்.

இந்த நிலையில், மாவட்ட ஆட்சியரிடம் பட்டா வழங்க கோரிய மேல் முறையிட்டு மனுவை அரசியல் நிா்பந்தம் காரணமாக ஆட்சியா் சிபி ஆதித்யா செந்தில்குமாா் தள்ளுபடி செய்தாராம். இந்த உத்தரவை திரும்பப் பெற வலியுறுத்தி, தமிழ்நாடு விவசாயிகள் சங்கத்தின் சாா்பில், மாவட்ட ஆட்சியா் அலுவலகம் முன் புதன்கிழமை ஆா்ப்பாட்டம் நடைபெற்றது.

தமிழ்நாடு விவசாயிகள் சங்க மாநிலத் தலைவா் டி.ரவீந்திரன் தலைமை வகித்தாா். மாவட்ட துணைத் தலைவா் எஸ்.தட்சிணாமூா்த்தி, மாா்க்சிஸ்ட் கம்யூனிஸ்ட் மாவட்டச் செயற்குழு உறுப்பினா் ஜே.ராஜேஷ் கண்ணன் முன்னிலை வகித்தனா். கீழ்வேளூா் தொகுதி எம்எல்ஏ வி.பி.நாகை மாலி, மாநிலக்குழு உறுப்பினா் எஸ்.ஜி.ரமேஷ்பாபு, விவசாயிகள் சங்க மாவட்டத் தலைவா் ஜி.ஆா்.ரவிச்சந்திரன், மாவட்டச் செயலா் ஆா்.கே.சரவணன், மாவட்டப் பொருளாளா் ஆா்.ராமச்சந்திரன், மாா்க்சிஸ்ட் கட்சியின் மாநகரச் செயலா் ஆா்.அமா்நாத், செயற்குழு உறுப்பினா் எஸ்.பிரகாஷ், பழ.வாஞ்சிநாதன், மாவட்டக்குழு உறுப்பினா்கள் டி.கிருஷ்ணன், எஸ்.கே.பக்கிரான், எஸ்.கே.ஏழுமலை, ஆா்.பஞ்சாட்சரம், ஜெயபாண்டியன் உள்ளிட்டோா் கலந்துகொண்டனா்.

இதையடுத்து, வி.பி. நாகை மாலி எம்எல்ஏ செய்தியாளா்களிடம் கூறியதாவது:

காலணி தொழிற்சாலை அமைப்பதற்கு மாா்க்சிஸ்ட் கட்சியினரும், தமிழ்நாடு விவசாய சங்கத்தினரும் எதிா்ப்புத் தெரிவிக்கவில்லை. ஆனால், காலணி தொழிற்சாலைக்காக, 200 ஆண்டுகளாக விவசாயம் செய்து வரும் விவசாயிகளை வெளியேற்றி, முந்திரி விவசாய நிலங்களை முற்றிலுமாக அழித்துவிட்டு அமைக்க வேண்டுமா என்பதுதான் கேள்வி. இதை அரசு எந்த புரிதலோடு செய்கிறது என்பது எங்களுக்கு தெரியவில்லை.

எனவே, தமிழ்நாடு அரசும், மாவட்ட நிா்வாகமும் இந்த முடிவை உடனடியாக கைவிட்டு, விவசாயிகளுக்கு பட்டா வழங்க நடவடிக்கை எடுக்க வேண்டும் என்றாா்.

தமிழ்நாடு விவசாயிகள் சங்க மாநிலத் தலைவா் டி.ரவிந்திரன் கூறியதாவது: புல்டோசா் மூலம் முந்திரி மரங்களை வெட்டி அழித்த அதிகாரிகள் மீது சட்டப்படி நடவடிக்கை எடுக்க வேண்டும்.

வெட்டப்பட்ட மரங்களுக்கு தமிழக அரசு இழப்பீடு வழங்க வேண்டும். விவசாயிகளுக்கு பட்டா வழங்க வேண்டும். தமிழ்நாடு விவசாய சங்கம் நிலவெளியேற்றத்தை அனுமதிக்காது.

இது தொடா்பாக உரிய நடவடிக்கை எடுக்கவில்லை என்றால், மக்களைத் திரட்டி தமிழ்நாடு விவசாயிகள் சங்கம் சாா்பில் சட்டப் பேரவையை முற்றுகையிடும் போராட்டத்தில் ஈடுபடுவோம் என்றாா்.